Levitico 1:1 - Ing Mayap a Balita Biblia

¹ Karin king Toldang tuknangan ning Ginu inaus ne i Moises at ngana,

Levitico 1:1 Iomraidhean Croise

2 Ari 16:13

at miyain yang ain-a-durulukan ampon ain-a-binutil. Subali pa karing ain, tigtug na ing ain-a-inuman at pisik na ing dayang ain-ning-pamisulusulu.

2 Cronica 29:32

Mekayain lang pitung pulung toro, dinalan a lalaking tupa, at aduang dalan a biserung tupa bilang ain-a-durulukan para king Ginu.

Exodo 19:3

Minukiat ya king bunduk i Moises ban makikit king Dios. Minaus ya kang Moises ing Ginu ibat king bunduk, at sinabi na king sabian na karing Israelita, ding lahi nang Jacob, ing anti kaniti:

Exodo 24:12

Ngana ning Ginu kang Moises, Me keni, manik ka at panayan mu ku. Ibie ku la keka ding aduang tinabas a batu nung nu la ngan mayayakit ding sablang kautusan a sinulat ku para mituru la ding tau.

Exodo 25:22

Karin da ka pakikitan at karin king babo na ning takap, pilatan da ring aduang kerubin, ibie ku la keka ding sablang kautusan ku para karing memalen na ning Israel.

Exodo 29:42

Sukat gampanan alang patugut iti king sablang panaun bilang ain-a-durulukan king arapan ku keta king tulid ning pasbul ning Toldang tuknangan ku. Karin ke pakitagpuan ing balen ku at karin ku makipagsalita kekayu.

Exodo 3:4

Inyang ikit na ning Ginu king lalapit ya i Moises, inaus ne ibat king milalablab a tanaman. Ngana, Moises, Moises! Nanu pu? nganang mekibat Moises.

Exodo 33:7

Meging ugali nang Moises ing italakad ne ing Toldang tuknangan ning Ginu marayung bagya king kampu. Pemalagyuan ne iting Ing Toldang tuknangan ning Ginu. Ninuman ing ating buring isangguni king Ginu pupunta ya keting lugal a atyu lual na ning kampu.

Exodo 39:32

Makanyan meyari ing sablang obra king Toldang tuknangan ning Ginu. Gewa ra ngan ding Israelita ing sablang sukat magawa, agpang king inutus na ning Ginu kang Moises.

Exodo 40:29

at karin king arap ning tabing binili ne ing altar a pidurulukan ain. Inain na king babo ning altar ing ain-a-durulukan, at ing ain-a-kakanan, agpang king inutus na ning Ginu.

Levitico 7:38

King Bunduk ning Sinai, inyang atyu la king libutad na ning disyerto, karin na la binie ning Ginu deting tuntunan kang Moises; kanitang aldo a inutus na karing memalen na ning Israel a daptan da ing karelang pamanain.

Levitico 9:16

Inain ne ing animal a dulukan, agpang king aduan na ning tuntunan.

Ding Bilang 1:1

Kanitang mumunang aldo ning kadua nang bulan ning kaduang banua kaybat dang meko ring Israelita king Ehipto, migsalita ya ing Ginu kang Moises king Toldang tuknangan ning Ginu karin king Disyerto ning Sinai. Ngana,

Ding Bilang 7:15

Minain ya namang metung a biserung toro, metung a lalaking tupa, at metung a lalaking tupa a pabanua tua bilang ain-a-durulukan.

Ding Bilang 7:89

Inyang linub ya i Moises king Toldang tuknangan ning Ginu ban makipagsalita king Ginu, dimdam na ing siwala na a manibat king pilatan da ring aduang kerubin king babo ning Luklukan ning Lunus a atyu babo ning Kaban ning Kasunduan.

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Deuteronomio 27:6

Gumamit kayung batu a e tinabas at king altar a gawan yu karin yu iyain ing ain yung sisilaban para king Ginung kekayung Dios.