Kapahayagan 7:4 - Ing Mayap a Balita Biblia

⁴ At sinabi na kanaku ing bilang da ring mitatakan; dinalan apat apulu't apat a libu a ibat karing lahi nang Israel:

Kapahayagan 7:4 Iomraidhean Croise

Genesis 15:5

Tiki ne i Abram lual na ning tolda at ngana, Talanga ka at lumawe king banua at bilangan mu la ding batuin, nung arapat mu. Makanyan la karakal ding maging lahi mu.

Exodo 28:21

Ing balang metung kareting mesabing batu sukat yang dukitanan metung karing lagyu da ring anak nang Jacob bilang kapigaganakan karing tribu na ning Israel.

Ezekiel 47:13

Ngana ning Ginung Dios, Anti kaniti ing gawan tungkul king pangaparti na ning bansa para karing labing aduang tribu ning Israel: aduang dake ing miras king tribu nang Jose.

Ezekiel 48:19

Ninuman ing manuknangan king siudad a ita, nu mang tribu ya ibat, malyari neng tamnanan ing gabun a ita.

Ezekiel 48:31

a ating atlung pasbul dalan para karing tribu nang Ruben, Juda, at Levi. Dinan lang lagyu deting pasbul dalan agpang karing lagyu da ring tribu ning Israel.

Zacarias 9:1

Iti ya ing mensahi na ning Ginu: Migsalita yang kaparusan king bansa ning Hadrak at para king siudad ning Damasco. Bandi na la ding sablang tribu na ning Israel; bandi nia naman ning Ginu ing sentru na ning Siria.

Mateo 19:28

Nganang Jesus karela, Ini ing tandanan yu: potang mag-ari yang mitmung kaligayan ing Anak ning Tau king Bayung Panaun, ikayung labing adua a tinuki kanaku lukluk kayu naman karing labing aduang tronu ban manatul karing labing aduang tribu na ning Israel.

Lucas 14:22

Kabalik na ning ipus, sinabi na, Agawa ku na pu, ginu, ing inutus yu, oneng malualas ya pa ing lamesa.

Lucas 22:30

Mangan kayu at minum kayabe ku king Kayarian ku at lukluk kayu karing tronu ba yu lang ukuman ding labing aduang tribu na ning Israel.

Ding Dapat 26:7

ing pangakung panayan da ngan matupad ding labing aduang tribu na ning kekaming lahi, ngening sasamban de ing Dios aldo at bengi. At uli na mu ning kapanaligan a yan, Makamal kung Ari, inya ngeni dadalum da ku ring Judio!

Roma 9:27

At migsalita ya i Isaias tungkul king Israel. Ngana, Agyang pang kasing dakal na la ning balas king pasigan ding memalen ning Israel, ditak la mu karela ding miligtas;

Santiago 1:1

Ibat ya iting sulat kang Santiago, ing talasuyu ning Dios at ning Ginung Jesu-Cristo. Pupugayan ku la ngan ding sablang pinili na ning Dios, ding makakalat king mabilug a yatu.

Kapahayagan 14:1

Kanita miglalawe ku at ikit ke ing Kordero; makatalakad ya king Bunduk ning Zion. Kayabe na la ding dinalan apat apulu't apat a libung tau. Makatatak ya karing kanuan da reti ing lagyu na ning Kordero at ing lagyu na ning Ibpa na.

Kapahayagan 14:3

Magkanta lang bayung kanta king arap ning tronu at king arap ding apat a mabie lelangan at ding aduang pulu't apat a makatua. Alang aliwang makaintindi king kanta da, nune mu ding dinalan apat apulu't apat a libung miligtas king yatu.

Kapahayagan 7:5

king lahi nang Juda, labing aduang libu la ding mitatakan; king lahi nang Ruben, labing aduang libu la ding mitatakan; king lahi nang Gad, labing aduang libu la ding mitatakan;

Kapahayagan 9:16

Adua lang dalan a milyun ding sundalus dang pakasake kabayu. Iti ya ing bilang a dimdam ku.