Kapahayagan 7:3 - Ing Mayap a Balita Biblia

³ Ngana niting anghel, E ye pa sisiran ing yatu o ing dagat o ding tanaman anggang e la mitatakan king kanuan ding talasuyu na ning kekatamung Dios.

Kapahayagan 7:3 Iomraidhean Croise

Exodo 12:13

Maging palatandanan ya karing pibalebale yu ing daya karing amba da ring pasbul. Lagpusan da kayu potang akit ku ing daya, at e kayu midame potang pagpa ku ing parusa king bansang Ehipto.

Exodo 12:23

Potang lumabas ya ing Ginu king mabilug a Ehipto ban pamaten na la ding tau Ehipto, akit na ing daya babo at karing mingatba nang amba ning pasbul, lagpusan ne kanita ning Anghel ning Kamatayan ing bale yu at e na paintulut ning Ginu ing mate kayu.

Isaias 27:8

Perusan na la ning Ginu ding memalen na king kapamilatan na ning pangaugse ra king aliwang bansa. Inugse na la king kapamilatan na ning mabagsik a angin a ibat king aslagan.

Isaias 54:17

Oneng alang sandatang malyaring makapanasakit keka; atin kang ipakibat karing sablang maki bintang keka. Idipensa ku la ding kakung talasuyu at dinan tagumpe. Ing Ginu ya ing migsalita.

Isaias 6:13

Nung atin mang mitagan metung a tau karing balang apulu, ita man mate ya; maging anti yang pun nang mitagan ning tanaman a ensinang mekutud. (Larawan ne ning pun a mitagan ing metung a bayung pamagumpisa para king balen na ning Dios.)

Isaias 65:8

Ngana ning Ginu, Ala metung man a manyira karing mayap a ubas, nune gagawan da lang alak. Makanyan munaman, e ku la gisanan a lahi ding sablang taung pinili ku; iligtas ku la detang susuyu kanaku.

Ezekiel 9:4

Ngana, Munta ka king mabilug a siudad ning Jerusalem at dinan meng tatak king kanuan ing metung at metung a sasaingsing at maliligalig uli da ring sablang bage makasumami a mararapat king siudad.

Ezekiel 9:6

Paten yu la ding matuang lalaki, ding kayanakan a lalaki at babai, ding ima at ding anak. Oneng e ye tatagkilan ing ninumang ating tanda king kanuan na. Magumpisa kayu keting Templo ku. Inya megumpisa la karing makatuang manimuna a pakatalakad kilub ning Templo.

Daniel 3:17

Nung ing Dios a kekaming susuyuan agyu na ing iligtas na kami king mapaling ornu at king upaya yu, kanita gawan na.

Daniel 3:26

Inya linapit ya i Nebucadenesar king pasbul ning mapaling ornu at nganang minaus, Sadrac! Mesac! Abednego! Talasuyu ning Kakataskatasan a Dios! Lumual kayu keni! At agad lang linual.

Daniel 6:16

Inya inutus na ning ari king kuanan ya i Daniel at iyugse ya king kulungan ding leon. Ngana kang Daniel, Sana iligtas na ka ning Dios a kekang susuyuan king mitmung katapatan.

Zepania 2:3

Magbalik kayu king Ginu, ikayung sablang mapagpakumbaba keti king bansa a mamintu karing utus na. Daptan yu ing matulid at magpakumbaba kayu arapan ning Ginu. Mapalyaring aligtasan yu ing parusa king aldo nung kapilan na ipakit ning Ginu ing maragul nang mua.

Malakias 3:18

Pasibayu rang akit ding taung kanakung pinili ing pamiyaliwa na ning bage mapalyari king taung mayap ampon king taung e mayap, king taung susuyu kanaku ampon king taung e susuyu kanaku.

Mateo 24:22

Oneng e na paintulut ning Dios ing lambat ing anti kanita, nung ali, metung mang tau alang mitagan. Alang-alang karing pinili na, e na palambatan ning Dios.

Mateo 24:31

Maramdam ya ing matning trumpeta at itubud na la ding anghel na karing apat nang suluk ning yatu; tipunan da la ring taung pinili na ibat king mabilug a yatu.

Juan 12:26

Ing ninumang bisang sumuyu kanaku kailangan yang tuki kanaku; nung nu ku karin, karin ya naman ing talasuyu ku. Parangalan neng Ibpa ku ing ninumang susuyu kanaku.

Juan 3:33

Ing tatanggap king pamipatutu na patunayan na king tapat ya ing Dios.

Roma 6:22

Oneng ngeni meging malaya na kayu king kasalanan at ipus na kayu ning Dios. Ing pakinabang yu ya ing pamibiebie a lubus makatalaga keya, at ing bunga na niti ya ing bie alang angga!

Kapahayagan 13:16

Sapilitan na lang tetakan ning animal a mabagsik ding sablang tau king wanan dang gamat at kanuan, marangal la man o alang dangalan, masalapi o pakakalulu, ipus o malaya.

Kapahayagan 13:17

Alang makasali o makapamisali subali mu nung makatatak ya keya ing lagyu na ning animal a mabagsik o ing katumbas nang numero niti.

Kapahayagan 14:1

Kanita miglalawe ku at ikit ke ing Kordero; makatalakad ya king Bunduk ning Zion. Kayabe na la ding dinalan apat apulu't apat a libung tau. Makatatak ya karing kanuan da reti ing lagyu na ning Kordero at ing lagyu na ning Ibpa na.

Kapahayagan 14:9

Selisian na la ning katlung anghel ding aduang mumunang anghel at sinabi nang masikan, Ing ninumang samba king animal a mabagsik at king larawan na at tanggap tatak king kanuan na o gamat,

Kapahayagan 19:2

Makatud la at matulid la ding pamanatul na! Inatulan ne ing kabalitan a babaing magtinda king katawan na a minyira king yatu king kapamilatan ning pamakipangalugud na. Perusan ne ning Dios uling pete na la ding talasuyu na ning Ginu!

Kapahayagan 20:4

Menakit ku namang dakal a tronu. At mirinan lang kapaintulutan matul ding makalukluk karing tronu. Ikit ku la ding kaladua da ring pete ra uli na ning pamagpatutu ra kang Jesus at karing amanu na ning Dios. E la sinamba deti king animal a mabagsik o king larawan na ni tinanggap king tatak na karing karelang kanuan o gamat. Mebie lang pasibayu ban mag-aring kayabe nang Cristo kilub ding libung banua.

Kapahayagan 22:4

Akit de ing lupa na at misulat ya ing lagyu na karing kanuan da.

Kapahayagan 6:6

Atin kung dimdam a siwala a kalupa na ning siwalang ibat king libutad ding apat a mabie lelangan. Ngana, Katakal mung trigu ing asali na ning upa king patingapun a pamagobra, at atlung katakal a sebada ing asali na ning upa king patingapun a pamagobra. Oneng e mu sisiran ing larung olibo at ing alak!

Kapahayagan 7:1

Kaybat na nita, ikit ku la ding apat a anghel; makatalakad la karing apat nang suluk ning yatu. Pipigilan da la ring apat nang angin ning yatu ban e pa mu mangin king yatu o king dagat o king isanu mang tanaman.

Kapahayagan 7:2

At ikit keng mumukiat king aslagan ing metung pang anghel; darala ne ing panatak na ning Dios a mabie. Kinulait yang masikan karing apat a anghel a dininan na nang upaya ning Dios ban manyira king yatu at king dagat.

Kapahayagan 9:4

Mipanabilin karela king e ra sisiran ing dikut o ding tanaman o ing isanu mang tanaman. Ding sukat dang panasakitan ila ding taung e mimarkan kanuan king tatak na ning Dios.