Kapahayagan 7:2 - Ing Mayap a Balita Biblia

² At ikit keng mumukiat king aslagan ing metung pang anghel; darala ne ing panatak na ning Dios a mabie. Kinulait yang masikan karing apat a anghel a dininan na nang upaya ning Dios ban manyira king yatu at king dagat.

Kapahayagan 7:2 Iomraidhean Croise

2 Ari 19:4

Tinubud ne ning ari na ning Asiria ing pekamatas a opisyal na ban lapastanganan ne ing Dios a mabie. Mananu na sanang damdaman na la ning Ginu kekang Dios ding kalapastanganan at parusan na la detang migsalita. Inya ipanalangin mu la king Dios ding mitagan karing kekatamung memalen.

Ing Malagung Diling Kanta 8:6

Aku mung dili sana ing kekang luguran, aku mu sana ing kekang kaulan. Nung nu ya anti kayupaya ing kamatayan, ing lugud makanyan ya naman. Ing pangalalu mabagsik yang anti ing kutkutan; anti ya king aping gigisan.

Isaias 41:2

Ninu wari ing migdala king gererung ibat king aslagan, at minie king tagumpe na? Ninu ing babie tagumpe laban karing ari at bansa? Mengari lang alikabuk potang espada na dagpa ya karela! Mengari lang are papaid ning angin neng sasambulat na lang pana na!

Ezekiel 9:4

Ngana, Munta ka king mabilug a siudad ning Jerusalem at dinan meng tatak king kanuan ing metung at metung a sasaingsing at maliligalig uli da ring sablang bage makasumami a mararapat king siudad.

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Mateo 16:16

Mekibat ya i Simon Pedro, Ika ing Cristo, ing Anak ning Dios a mabie.

Mateo 26:63

Oneng e ya bubulad i Jesus. Nganang pasibayung migsalita ning Pekapun ding Pari, Yuyutus ku keka: King lagyu na ning Dios a mabie, sabian mu kekami nung ika ing Cristo, ing Anak ning Dios.

Juan 6:27

E yu panintunan ing masisirang pamangan, nune panintunan yu ing pamangan a manatili angga king bie alang angga. Ibie na iti kekayu ning Anak ning Tau uling ya ing dininan nang upaya ning Dios Ibpa.

2 Corinto 1:22

Tetakan na kami bilang bandi na, at dininan king Espiritu na, antimong katibayan king tuparan na ing pengaku na.

Efeso 1:13

At ikayu man, inyang dimdam yu ing balita na ning katutuan, ing Mayap a Balita a minie kaligtasan kekayu, meniwala kayu kang Cristo. Uli na niti, mibie ya kekayu ing tatak ning Banal a Espiritu antimong pinili na ning Dios!

Efeso 4:30

At e ye sa palungkutan ing Banal a Espiritu uling ya ing tatak na ning Dios kekayu, ya ing katibayan na ning kekayung pangayatbus potang datang ne ing Aldo mituldu.

Deuteronomio 5:26

Atin waring taung e mete kaybat neng dimdam migsalita ing mabie Dios libutad na ning api?

1 Tesalonica 1:9

Ila na mismu ding mamalita nung makananu yu keng tinggap. Ila naman ding sinabi nung makananu yung likuan ing pamanyamba karing idolo ban sumuyu king tune at mabie Dios,

2 Timoteo 2:19

Oneng ing matibe pundasyun a telakad na ning Dios e ya malyaring magalo at mitatakan yang anti kanini: Balu na la ning Dios ding bandi na at Ing balang mamaus king lagyu na ning Ginu kailangan yang gumulut king pamaniapat e mayap.

Hebreo 12:22

Oneng ikayu ikua yung miras king Bunduk ning Zion, at king siudad ning Dios a mabie, ing maligayang Jerusalem, kayabe da ring e mabilang-bilang a anghel na.

Kapahayagan 1:3

Mapalad la ding babasa king librung iti at ding makiramdam king ula a sinabi na at ding mamintu king makasulat! Uling malapit na lang mapalyari deting bage.

Kapahayagan 10:1

Kanita ikit ke ing aliwa pang mayupayang anghel. Kukuldas yang ibat banua. Makabalut yang biga at ating pinanari king kabuntukan na. Maslag yang anting aldo ing lupa na at anti lang asias a api ding bitis na.

Kapahayagan 10:4

Sumulat ku sana kabud dimdam ku la ding pitung duldul oneng dimdam ke ing siwalang ibat banua. Ngana, Ilihim mu sana ing sinabi da ring pitung duldul; e mu susulat!

Kapahayagan 16:12

Kanita tigtug na ning kanam a anghel ing laman na ning silyo na king maragul nang Ilug ning Eufrates. Melangi ya ing ilug at mika dalan para karing aring manibat king aslagan.

Kapahayagan 5:2

At ikit ke ing metung a mayupayang anghel; magsalita ya king masikan a siwala. Ngana, Ninu ing karapatdapat sumira karing pitung tatak at mibuklat kaniting libru?

Kapahayagan 8:3

Dinatang ya ing metung pang anghel. Magdala yang insensaryung gintu at tinalakad ya arap ning altar. Mirinan yang dakal a insenso ban iyain na iting kayabe da ring panalangin da ring sablang pinili na ning Dios babo ning gintung altar a atyu arap ning tronu.

Kapahayagan 9:14

Ngana king kanam a anghel, Kalagan mu la ding apat a anghel a makagapus king maragul a Ilug ning Eufrates.

Kapahayagan 9:4

Mipanabilin karela king e ra sisiran ing dikut o ding tanaman o ing isanu mang tanaman. Ding sukat dang panasakitan ila ding taung e mimarkan kanuan king tatak na ning Dios.

1 Samuel 17:26

Kitang nang David karing kasiping na, Nanu kanung malyari ketang taung makamate king Filisteong yan ban milako ya king kamarinayan ing Israel? Ninu ya ta ing Filisteong yan a manamun karing sundalus na ning Dios a mabie?

1 Samuel 17:36

Mekamate neng leon at oso ing talasuyu yu. Maging kalupa re kararasan ing Filisteong yan ngening inamunan na la ding sundalus na ning Dios a mabie.