Kapahayagan 7:1 - Ing Mayap a Balita Biblia

¹ Kaybat na nita, ikit ku la ding apat a anghel; makatalakad la karing apat nang suluk ning yatu. Pipigilan da la ring apat nang angin ning yatu ban e pa mu mangin king yatu o king dagat o king isanu mang tanaman.

Kapahayagan 7:1 Iomraidhean Croise

Isaias 11:12

Ipakit ne ning Ginu ing metung a tanda ban ipabalu na karing bansa king titipunan na na lang pasibayu ding memalen na ning Israel at Juda, at iyuli na la ibat karing apat nang suluk ning yatu.

Isaias 27:3

Banten ke at parati keng paranuman. Banten ke aldo at bengi ban e ne ananu balang ning ninuman.

Isaias 27:8

Perusan na la ning Ginu ding memalen na king kapamilatan na ning pangaugse ra king aliwang bansa. Inugse na la king kapamilatan na ning mabagsik a angin a ibat king aslagan.

Jeremias 49:36

Patiupan ke ing angin karing suluk ning bansa ra laban karela, at ikalat ku la ding memalen na king miyayaliwang lugal angga king ala nang bakwit a e miras king kaisanu pa mang bansa.

Ezekiel 37:9

Ngana ning Dios kanaku, Anak ning tau, magsalita ka king angin. Sabian mu king angin king ing Ginung Dios utusan neng datang ibat karing miyayaliwang lugal ban pangisnawanan da la reting mete katawan at ban biayan na la.

Ezekiel 7:2

Ngana, Anak ning tau, aku ing Ginung Dios. Iti ya ing kakung sasabian king bansang Israel: Dinatang na ing kawakasan na ning mabilug a bansa!

Daniel 11:4

Oneng misalbag ya ing kayarian na potang atyu ne king taluktuk ning upaya na at mapirake yang apat a dake. Ding ari a e naman ibat king lahi na ilang kuma king lugal na, oneng e la maki upayang anti ing upayang telanan na.

Daniel 7:2

na ning ikit ku king benging ita. Tutiup ing angin ibat king makapadurut at sasapulan na ing danum ning dagat.

Daniel 8:8

Lalu yang meging palalu ing kambing, oneng mepakli ya ing sagu na king kasusukdulan ning upaya na. Linto la king lugal na ding apat a kapansin-pansin a sagu; tutuldu ya ing balang metung karing miyayaliwang direksyun.

Jonas 1:4

Oneng peparala yang masikan a angin ing Ginu king dagat at mika bagyu. Milalu ya kasikan ing bagyu at halus malasak ya ing barku.

Zacarias 6:1

Miglalawe kung pasibayu at ikit ku la ding apat a karung panggera a lulual ibat king pilatan da ring aduang bunduk a tangsu.

Zacarias 6:5

Pekibat na, Ila deti ring apat a direksyun na ning angin; kalualalual da pang ibat king arapan na ning Ginu ning mabilug a yatu.

Mateo 24:31

Maramdam ya ing matning trumpeta at itubud na la ding anghel na karing apat nang suluk ning yatu; tipunan da la ring taung pinili na ibat king mabilug a yatu.

Marcos 13:27

Itubud na la ding anghel na karing apat nang suluk ning yatu at tipunan da la ring pinili ning Dios ibat karing mingatba-ngatbang wakas ning yatu.

Kapahayagan 20:8

Lumual ya ban linlangan na la ding bansa king mabilug a yatu; ngana wari, ing Gog at ing Magog. Tipunan na la at ituki king pamakilaban. Kasing dakal na la ning balas king pampang ning dagat ding sundalus na.

Kapahayagan 6:6

Atin kung dimdam a siwala a kalupa na ning siwalang ibat king libutad ding apat a mabie lelangan. Ngana, Katakal mung trigu ing asali na ning upa king patingapun a pamagobra, at atlung katakal a sebada ing asali na ning upa king patingapun a pamagobra. Oneng e mu sisiran ing larung olibo at ing alak!

Kapahayagan 7:3

Ngana niting anghel, E ye pa sisiran ing yatu o ing dagat o ding tanaman anggang e la mitatakan king kanuan ding talasuyu na ning kekatamung Dios.

Kapahayagan 8:7

Inyang tiniupan ne ning mumunang anghel ing trumpeta na, minuran yelu at api a ating samut daya. Menabu iti king yatu, at mesilab ya ing katlu nang dake ning yatu ing katlung dake karing tanaman, at ing sablang sagiwang dikut.

Kapahayagan 9:14

Ngana king kanam a anghel, Kalagan mu la ding apat a anghel a makagapus king maragul a Ilug ning Eufrates.

Kapahayagan 9:4

Mipanabilin karela king e ra sisiran ing dikut o ding tanaman o ing isanu mang tanaman. Ding sukat dang panasakitan ila ding taung e mimarkan kanuan king tatak na ning Dios.