Kapahayagan 5:2 - Ing Mayap a Balita Biblia

² At ikit ke ing metung a mayupayang anghel; magsalita ya king masikan a siwala. Ngana, Ninu ing karapatdapat sumira karing pitung tatak at mibuklat kaniting libru?

Kapahayagan 5:2 Iomraidhean Croise

Job 41:15

Tuki-tuki lang kalasag a makailera king gulut na; taidtaid la at masias lang anting batu.

Ding Dalit 103:20

Ikong masikan at mayupayang anghel, purian ye ing Ginu, ikong mayupaya at masikanan a mamintu king keyang amanu.

Kapahayagan 10:1

Kanita ikit ke ing aliwa pang mayupayang anghel. Kukuldas yang ibat banua. Makabalut yang biga at ating pinanari king kabuntukan na. Maslag yang anting aldo ing lupa na at anti lang asias a api ding bitis na.

Kapahayagan 18:21

Kanita ing metung a mayupayang anghel dinamput yang batu a kalupa na ning maragul a gilingan a batu. Besibas ne iti king dagat at agnan nang sinabi, Makanyan yang mibagsak ing pikabaluan a siudad na ning Babilonia at e yu ne akit pasibayu!

Kapahayagan 5:1

At ikit ke ing metung a libru king wanan nang gamat nitang makalukluk king tronu. Ating makasulat misusumangid kaniting libru, at atin yang pitung tatak.

Kapahayagan 5:5

Kanita sinabi na kanaku ning metung karing makatua, E ka kikiak. Lawan mu! Ing Leon a ibat king lahi nang Juda, ing Anak nang David, ya ing migtagumpe at karapatdapat sumira karing pitung tatak at muklat king libru.