Kapahayagan 3:3 - Ing Mayap a Balita Biblia

³ Inya ganakan mu nung makananu mu lang tinggap ding aral a dimdam mu. Tuparan mu la deti at sisian mu ing kekang pamikasala. Nung e ka migising, datang kung anting mapanakoking oras a e mu balu.

Kapahayagan 3:3 Iomraidhean Croise

Ezekiel 20:43

Kanita yu la aganaka ding sablang makarine bage a depat yu at nung makananu yung dinatan ing kekayung sarili. Masumami kayu king sarili yu uli da ring bage e mayap a depat yu.

Ezekiel 36:31

Aganaka yu ing e mayap yung ugali at ding kamalian a kekong depat, at masumami kayu mismu king sarili yu uli da ring kekong kasalanan at kakulangan.

Mateo 25:13

Nganang menaring Jesus, Maglame kayu, uling e yu balu ing aldo ni ing oras!

Marcos 13:33

Mingat kayu at parating makasadia uling e yu balu nung kapilan mapalyari ita.

Marcos 13:36

pota bigla yang datang at dasnan na kayung matudtud!

1 Tesalonica 5:2

Uling ikayu mismu balu yu king ing Aldo ning Ginu kalupa ne ning paniatang na ning mapanako.

1 Timoteo 6:20

Timoteo, pakaingatan mu ing mipaniwala keka. Pangilagan mu ing pisasabian a e kalugud-lugud king Dios, at ing bukut a pamagmatulid a ausan dang Kabiasnan ding tau.

2 Timoteo 1:13

Gawan mu lang pialimbawanan ding mayap a amanung tiru ku keka. Manatili ka king kasalpantayanan at lugud a atyu kekatamu king uli na ning pangayabe tamu kang Cristo Jesus.

Hebreo 2:1

Iti ing sangkan nung inya lalu ta lang sukat pakaingatan ding katutuan a kekatamung dimdam ban e tamu milisia king tune dalan.

2 Pedro 1:13

Minamayap ku ing pasagiwan karing kekayung kaisipan deting bage kabang atin kung bie.

2 Pedro 3:1

Pakamalan kung kakaluguran, kadua neng pamaniulat ku kekayu iti. King minunang sulat a peparala ku kekayu at antimu rin kaniting kadua kung sulat, ala kung aliwang kapagnasan nune ing paganaka ku la kekayu ding mapilan a bage ba kung gisingan kekayu ing malinis a pamisip.

2 Pedro 3:10

Oneng ing Aldo ning Ginu datang yang antimo ing metung a mapanako. King Aldo ita mamaksing ya ing banua at matda ya. Malaso la king api ding batuin at planeta at masilab ing sablang atyu king yatu.

Kapahayagan 16:15

Makiramdam kayu! Datang kung anting mapanako! Mapalad ya itang manatiling makagising at makapiblas; e ya lumakad lubas at e ya mipakarine karing manakit keya.

Kapahayagan 2:25

Oneng ingatan yung masalese ing mayap a atyu kekayu angga king paniatang ku.

Kapahayagan 2:5

E mu kakalinguan ing sadia mung kabilian. Sumisi ka at gumulut king e mayap mung dapat. Balikan mu ing sadia mung dapat a mayap. Nung e ka sumisi, datang ku at ilako ke ing tumpakan mung sulu.

Kapahayagan 22:7

Nganang Jesus, Makiramdam kayu! Daratang na ku! Mapalad la ding tutupad karing ula a makalaman kaniting libru!

Kapahayagan 3:11

Datang ku king malaguang panaun. Ingatan mu ing mayap a atyu keka ban e na asamsam ning ninuman ing kekang korona.

Kapahayagan 3:19

Sasabianan ku la at didisiplinan ding sablang kaluguran ku. Inya magkapilit ka at sisian ing kasalanan mu.

Kapahayagan 3:2

Inya migising ka at biayan mu la ding bage makatagan keka bayu la mibalausnan mate. Akakit ku king e la pa ganap ding bage depat mu king arap ning kanakung Dios.