Kapahayagan 2:3 - Ing Mayap a Balita Biblia

³ Mapibabata ka at pekiarapan mu ing dakal a kasakitan king mitmung tetagan alang-alang kanaku at e ka sinawa.

Kapahayagan 2:3 Iomraidhean Croise

Ding Dalit 37:7

Magtahimik ka king arap ning Ginu at ya'ng panayan mu. E ka paisakit lub king taung mipapala o king ninumang magtagumpe king e mayap nang nasa.

Ding Dalit 69:7

King uli mu insultuan da ku, at tutu kung mengapakarine.

Mikeas 7:9

Mikasala tamu king Ginu, inya ngeni sukat tamung pibatan karing mapilan a panaun ing mua na. Oneng bandang tauli idipensa na katamu at itulid na la ding kamalian a depat da kekatamu. Ilual na katamu king masala; akua tamu pang akit ing pamagligtas na kekatamu.

Marcos 15:21

Ating metung a lalaking lalabas ibat king baryu. Pinilit de ring sundalus ban papusan keya ing krus nang Jesus. Simon ing lagyu na; tau ya Cirene, at tata re di Alejandro at Rufo.

Lucas 14:27

E ya malyaring maging alagad ku ing ninumang e bisang mamusan king krus na at tuki kanaku.

Lucas 18:1

Selita neng Jesus karela ing metung a talimhaga ban ituru na karela king sukat lang parating manalangin at e la kapilan man mimina lub.

Lucas 21:19

Magpakatatag kayu uling king kekayung kapibabatan karin yu tanggapan ing kaligtasan.

Lucas 5:5

Nganang mekibat Simon, Maestro, kabukas na keng babaldug lambat, oneng e ke mekarakap nanuman. Makanyan man, nung ita ya ing yutus mu, ibaldug ku la ding lambat.

Lucas 8:15

Ing bining digpa king gabun a mataba mangaintulid ya karetang dinamdam king amanu at sininup da iti kilub ning pusung mayap at mapamintu; iti menatili angga na inyang mika bunga.

Juan 15:21

Oneng iti ngan daptan da kekayu uli ku; uling e re akikilala ing mitubud kanaku.

Roma 12:12

Tumula kayu uli na ning kekayung kapanayan. Mibabata kayu king oras ning kekayung kapagsubukan, at manatili kayu sa king pamanalangin.

Roma 16:12

Ipayabut ku naman ing komusta ku kari Trifena at Trifosa a megobrang alang patugut king kasuyuan king Ginu, at kang Persis a tutu kung pakamalan at tutung dakal a pegobrahan para king Ginu.

Roma 2:7

Ating taung e patugut darapat mayap, manintun ligaya, dangal at bie alang angga; ibie na kareti ning Dios ing bie alang angga.

Roma 8:25

Nung manaya tamu ketang e ta pa akakit, panayan tamu king mitmung kapibabatan.

1 Corinto 13:7

E ya talakasawa ing lugud; ing sabla paniwalan na; e milalako kapanayan, at pibabatan na ing sabla.

1 Corinto 16:16

king pasakup kayu sana karing anti kareting tau at king ninumang magobra at susuyung kayabe ra.

2 Corinto 10:15

E milalu ing pamamuri mi king kekaming sarili uling e mi pagmaragul ing pipagalan da ring aliwa. Asahan mi king tumibe ing kekayung kasalpantayanan at uli na niti sumulung ing kekaming obra kekayu, oneng e lagpus king angganan na ning sukad a telaga na ning Dios.

2 Corinto 11:23

Talasuyu na lang Cristo? Anti ku waring mangmang king pamagsalita ku, oneng mas mayap kung talasuyu nang Cristo kesa karela! Maygit ing kanakung kapagalan; maralas mesukul; miparusan e mu nanu at maralas mibili king bingit ning kamatayan.

2 Corinto 4:1

Uli na ning lunus ning Dios, pinili na kami para king obrang iti, inya naman e ke mimina lub.

2 Corinto 4:16

King uli na niti, e kami mimina lub. Agyamang mimina ya ing katawan mi, parati ne mang mibabayu sikanan ing pilubluban mi.

2 Corinto 5:9

Maygit king sabla, ing kekatamung parasan ya ing maging kalugud-lugud tamu king Dios, maging king tuknangan keti o karin man.

2 Corinto 6:5

Perusan da kami, sinukul, at pemugbug; megobra kami aldo at bengi, at sinala king pamanudtud at pamangan.

Galacia 6:2

Mipapaniaup kayung mamusan king pupusanan na ning metung at metung. King anti kaniting paralan yu atuparan ing kautusan nang Cristo.

Galacia 6:9

Inya e tamu sa sasawan ing pamaniapat mayap; nung biasa tamung mibabata angga king wakas, mupul tamu paniatang na ning panaun a makatuldu.

Filipos 2:16

kabang ampanganan yu la king amanung babie bie. Nung makanyan ing kekayung daptan, mirinan kung maragul a katuliran magmaragul tungkul kekayu king Aldo datang ya i Cristo. Uling mayakit king ing kanakung pamagkapilit at obra e bitasang mesayang.

Filipos 4:3

At ika man, tapat kung kayabe, ipakisabi kung mayap ing saupan mu la sana deting aduang babai, uling migpakasakit la namang kayabe ku deting adua king pamikalat king Mayap a Balita at di Clemente, at ding aliwa pang kayabe kung megobra a ngeni makasulat a lagyu king libru ning bie.

Colosas 1:11

Mipasiknangan kayu sana king maragul a sikanan a manibatan king maligaya nang kayupayan ban malyaring yung akarga ing sabla king mitmung kapibabatan.

1 Tesalonica 1:3

Gaganakan ming alang patugut king arapan na ning kekatamung Dios at Ibpa ing kekayung mayap a dapat a bunga na ning kekayung pamanialpantaya, ing kekayung kapagalan king agkat na ning lugud, at ing manatili yung kapanayan king Ginung Jesu-Cristo.

1 Tesalonica 2:9

Siguradung atatandanan yu pa, kapatad, nung makananu kaming megobra at migpakapagal aldo't bengi ban e kami maging pabayat kenuman samantalang panaral mi ya kekayu ing Mayap a Balita.

1 Tesalonica 5:12

Ipakisabi ming mayap kekayu, kapatad, king igalang yu la sa ding paipagal para kekayu, ding pinili na ning Dios ban manimuna at turu kekayu.

2 Tesalonica 3:13

Kapatad, e kayu sana sasawa king pamaniapat mayap.

2 Tesalonica 3:5

Mananu na sanang tairan na kayu ning Ginu king lugud king Dios at king pamanatili kang Cristo.

2 Tesalonica 3:8

E kami tinanggap nanuman kekayu a e mi beyaran. Aldo't bengi kaming megobra ban e ke maging pabayat kenu man kekayu.

1 Timoteo 4:10

Iti ya ing sangkan nung inya magkapilit tamu at magobrang masalese uling asahan ta ya ing mabie Dios, ing Talapagligtas da ring sabla, lalung-lalu na ding talasalpantaya.

1 Timoteo 5:17

Sikapan mung tanggap lang dobling kasaupan ding mayap a makatuang manibala king iglesia, lalung lalu na detang manaral at tuturu king amanu na ning Dios.

Hebreo 10:36

Kailangan ing mibata kayu ban atuparan yu ing kaburian na ning Dios at tanggapan itang pengaku na.

Hebreo 12:1

Ngening mipadurutan tamu kareting dakal a testigu, sukat tamung ilako ing nanumang maging sagabal, lalung-lalu na ing kasalanan a pipigil kekatamu. Kayabe na ning maragul a kapibabatan manatili tamung mabilis a pulayi king ligligan a arapan tamu.

Hebreo 13:13

Inya munta tamu kang Jesus king lual ning balen at damayan ta ya king kamarinayan a pibata na.

Hebreo 6:10

Uling ing Dios tapat ya; e na kalinguan ing kekayung depat at ing lugud a pepakit yu, at angga man ngeni papakit yu king pamaniuyu yu karing kalupa yung Cristianu.

Hebreo 6:12

Inya e kayu magtamad. Tularan yu la ding mapibabata at ding ating kapanaligan king Dios, at tanggapan yu ing pangaku na.

Hebreo 6:15

Mapibabata yang menaya i Abraham, inya naman tinggap na ing pengaku na ning Dios.

2 Pedro 1:6

at ing kekayung kabiasnan abayanan yung pamangawat king sarili, at king pamangawat king sarili iyabe ing pamanatili, at ing pamanatili yu lapatanan yung kabanalan,

Kapahayagan 1:9

Aku i Juan, ing kapatad yung kayabe king kekayung kasakitan at king kayarian nang Jesus at king pamibabata uli na ning pangayabe kang Jesus. Inugse ra ku king pulu ning Patmos uling penaral ku ing amanu na ning Dios at minie kung patutu tungkul kang Jesus.

Kapahayagan 3:10

Uling tiparan mung mitmung kapibabatan ing utus ku, ingatan da ka potang datang na ing oras ning kapagsubukan karing sablang tau keti king yatu.