Kapahayagan 13:6 - Ing Mayap a Balita Biblia

⁶ Lepastangan ne ing Dios, ing lagyu na, ing tuknangan na, at ding sablang atyu banua.

Kapahayagan 13:6 Iomraidhean Croise

Job 3:1

King katataulian biklat neng Job ing asbuk na at simpa ne ing aldo nang beitan.

Ding Dalit 73:9

Pati na ing Dios karela yang lalapastanganan; balamu ninu na ila potang manutus la.

Daniel 11:36

Gawan na ning ari ning Siria itang buri na. Ipagmaragul na king mas mayupaya ya kesa king ninumang dios, mas matas ya agyang king Kakataskatasan a Dios. Malyari nang arapat iti angga king oras a parusan ne ning Dios. Gawan na't tukian ning Dios itang tingka na.

Daniel 7:25

Magsalita yang laban king Kakataskatasan a Dios at alipitan na la ding banal ning Dios. Pagkapilitan na lang alilan ding batas ning relihiun da ampon ing pamanyamba ra at mipailalam la ding tau ning Dios king upaya na kilub ding atlu at kapitnang banua.

Daniel 7:8

Kabang pagumasdan ku la ding sagu na, ikit keng linsut ing metung a malating sagu libutad da ring sagu. Begut na la ding atlu karetang sagung atyu na karin. Ing malating sagu atin yang mata a kalupa da ring mata ning tau at asbuk a milalalu king pamagmayabang.

Mateo 12:34

Lahing kamamalu, makananu kayung makapagsalitang mayap ngening e kayu mayap? Uling ing lulual king asbuk na ning tau manibatan ketang makalaman king pusu na.

Mateo 15:19

King pusu na ning tau karin magumpisa ing e mayap a tangka antimo ing pamakamate, ing pamakipangalugud, ing miyayaliwang kanawangan, ing pamanako, ing pamaglaram, at ing pamanyirang puri.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Roma 3:13

Mengari la ding asbuk da king pantiun a makabuklat; mamagus karing dila ra ing kalaraman, ding labi ra kamandagan lang anti ding karing ubingan;

Colosas 1:19

Ing Dios mismu birian na king ing mabilug nang kadiosan manuknangan king Anak.

Colosas 2:9

Uling ing kabilugan a kadiosan atyu king katawan nang Cristo,

Hebreo 9:2

Telakad de ing metung a tolda a ating aduang dake. Ing mumunang darasnan ya itang ausan dang Banal a Lugal. Kilub na niti atyu ing lampara, ing lamesa, at ding tinape a yayain da king Dios.

Hebreo 9:24

Uling e ya linub i Cristo king metung a Banal a Lugal a gewa da ring tau at anino nang mistula ning tune, nune linub ya karin banua mismu at ngeni atyu arap ning Dios at mamilatan ya para kekatamu.

Kapahayagan 11:12

At kaybat, ding aduang propeta mekaramdam lang metung a masikan a siwalang menibat banua. Ngana, Manik kayu keni! At kabang makalawe la ding kalaban da, minukiat la banua king kapamilatan na ning biga.

Kapahayagan 12:12

Inya magsaya kayu, ikong banua at ikong sablang manuknangan karela! Oneng makalunus ing maging kararasan yuyatu at dagat! Uling ing maragul nang mua ning diablo mibagsak kekayu. Uling balu na king ditak na mu ing panaun na.

Kapahayagan 15:5

Kaybat na nita, ikit keng mibuklat ing Templo ning Tolda ning Kasunduan ning Dios at ning tau.

Kapahayagan 18:20

Magsaya ka, O banua, uli na ning pangalasak na! Magsaya kayu ikayung mepili, apostol at propeta! Inatulan na ne ning Dios uli na ning depat na kekayu!

Kapahayagan 21:3

Kabud-abud dimdam ke ing masikan a siwalang ibat king tronu. Ngana, Ngeni, ing tuknangan na ning Dios atyu libutad da ring tau! Manuknangan yang kayabe da ring tau at maging balen na la. Akayabe re ing Dios at ya ing maging Dios da.

Kapahayagan 4:1

Kaybat na nita, aliwa ne mang bage ing ikit ku. Ikit ke karin banua ing metung a makabuklat a pasbul. At pasibayu keng dimdam ing siwala a kalupa na ning trumpeta. Ngana, Manik ka keni at ipakit ku la keka ding bage mapalyari king daratang a panaun.

Kapahayagan 4:4

Makapadurut la king tronu ding aduang pulu't apat pang tronu a luklukan da ring aduang pulu't apat a makatua. Makaimalan lang maputi at maka koronang gintu.

Kapahayagan 5:13

At dimdam ku lang magkanta ding lelangan a atyu banua, king yatu, king lalam ning yatu, at ding atyu king dagat, ding sablang lelangan king mabilug a sikluban, King makalukluk king tronu at king Kordero, miyabie ing dangal, ligaya, kapurian, at upaya angga king kapilan pa man!

Kapahayagan 7:15

Iti ya ing sangkan nung inya atyu la king arap ning tronu ning Dios, at susuyu la king Dios aldo't bengi king templo na. At ing makalukluk king tronu ya ing matnube karela.

Kapahayagan 7:9

Kaybat na nita, ikit ku la ding tutung dakal a tau; e na la abilang ning ninuman king karakal da! Ibat la deti king balang bansa at lahi, balen at salita. Makatalakad la arap ning tronu at ning Kordero. Makaimalan lang makaba at maputi at atin yang tatalnan a sangang palma ing balang metung.