Kapahayagan 13:5 - Ing Mayap a Balita Biblia

⁵ Mipaintulutan ya ing animal a mabagsik a magsalitang e mayap at lapastangan king Dios, at sumakup kilub ding apat apulu't aduang bulan.

Kapahayagan 13:5 Iomraidhean Croise

Ding Dalit 12:3

Ginu, keka la sanang patahimikan ding labi a papalual kalaraman, at ding dilang magsalitang kayabangan;

Ezekiel 35:13

Dimdam ku ing pamagsalita mung mitmung kayabangan laban kanaku.

Daniel 11:36

Gawan na ning ari ning Siria itang buri na. Ipagmaragul na king mas mayupaya ya kesa king ninumang dios, mas matas ya agyang king Kakataskatasan a Dios. Malyari nang arapat iti angga king oras a parusan ne ning Dios. Gawan na't tukian ning Dios itang tingka na.

Daniel 12:12

Mapalad la detang manatiling tapat anggang e ra akuang milabas ding libu atlung dalan atlung pulu't limang aldo.

Daniel 7:11

Kabang magumasid ku, daramdaman ke pa mu rin ing malating sagu a magsalitang kapalaluan at kayabangan. Kabang maglalawe ku, pete re ing kapat a mabagsik a animal at inatsa re ing bangke na king api, at mesilab ya.

Daniel 7:20

At buri ku namang abalu ing tungkul karing apulung sagung atyu king buntuk na at itang linto metung a sagu at sangkan king pangaragsa da ring atlung sagu. Atin yang mata ampon asbuk at milalalu ing pamagmayabang na. Mas makatakut ya kesa karing aliwang kayabe na.

Daniel 7:25

Magsalita yang laban king Kakataskatasan a Dios at alipitan na la ding banal ning Dios. Pagkapilitan na lang alilan ding batas ning relihiun da ampon ing pamanyamba ra at mipailalam la ding tau ning Dios king upaya na kilub ding atlu at kapitnang banua.

Daniel 7:8

Kabang pagumasdan ku la ding sagu na, ikit keng linsut ing metung a malating sagu libutad da ring sagu. Begut na la ding atlu karetang sagung atyu na karin. Ing malating sagu atin yang mata a kalupa da ring mata ning tau at asbuk a milalalu king pamagmayabang.

Daniel 8:14

Dimdam keng mekibat ing aliwang anghel. Ngana, Manatili kilub ding libu at dinalan limang pulung aldo, at king panaun a ita e la miyain ding ain para bengi at ain para abak. Kaybat na nita, malarin yang pasibayu ing Templo.

2 Tesalonica 2:3

E kayu pailinlang kenu man king makananu mang paralan. Uling ing Aldo ning Ginu e datang anggang e mapalyari ing tauling Pamag-rebeldi laban king Dios at ing pangalto na ning Marawak, ing makatalaga king alang kawakasan a parusa.

2 Tesalonica 2:4

Labanan na ing sablang sasamban da ring tau at ing isipan dang banal. Itas na ing sarili na, lungub ya king Templo na ning Dios; karin ya lukluk at ipasiag na king ya ing Dios mismu.

2 Tesalonica 2:8

lunto ne kanita ing Marawak. Paten ne ning Ginung Jesus potang datang ne king kapamilatan na ning pangisnawa na at lasakan ne ning makasilo nang aslag.

Kapahayagan 11:7

Kabud ayari da ing pamipatutu ra king katutuan, lunto ya ing animal a mabagsik a manibat king bangin at makilaban ya karela. Masambut la at apate na la niting animal,

Kapahayagan 12:14

Oneng mirinan yang aduang pakpak na ning maragul a agila ing babai ban makasulapo ya papunta king disyerto. Karin maingat ya kilub ding atlung banua ampon kapitna, at mirayu ya king pamanataki na ning ubingan.

Kapahayagan 12:6

At tinakas ya ing babai papunta king disyerto; king lugal a sidia na ning Dios ban karin maingat ya kilub ding libu aduang dalan at anam apulung aldo.

Kapahayagan 13:7

Mipaintulutan ya namang lumaban at maniambut karing anak na ning Dios, at mirinan ya namang katuliran sumakup king balang lahi, bansa, salita, at balen.