Kapahayagan 13:12 - Ing Mayap a Balita Biblia

¹² Gagamitan na ing sablang kayupayan na ning minunang animal a mabagsik kabang makalawe ya keya ing minunang animal a mabagsik. Pinilit na la ding sablang tau na ning yatu ban samba king minunang animal a mabagsik a ating maragul a sugat a kinayap na.

Kapahayagan 13:12 Iomraidhean Croise

2 Tesalonica 2:4

Labanan na ing sablang sasamban da ring tau at ing isipan dang banal. Itas na ing sarili na, lungub ya king Templo na ning Dios; karin ya lukluk at ipasiag na king ya ing Dios mismu.

Kapahayagan 13:2

Kalupa yang animal a leopardo iting animal a mabagsik; atin yang bitis a kalupa da ring bitis na ning metung a oso at mengari yang asbuk na ning leon ing asbuk na. Binie na ning dragon king animal a mabagsik ing sikanan na, ing tronu na, at ing maragul nang kayupayan.

Kapahayagan 13:8

Samban de ring sablang mabibie keti king yatu; detang e misulat a lagyu king libru na ning bie bayu ya melalang ing yatu. Ingatan ne ning Korderong pete ra iting libru.

Kapahayagan 14:11

Ing asuk ning aping pasakit karela manatili kapilan man. Ala lang kapasnon aldo't bengi ding sasamba king animal a mabagsik at king larawan na at ing ninumang tatanggap king tatak na.

Kapahayagan 14:9

Selisian na la ning katlung anghel ding aduang mumunang anghel at sinabi nang masikan, Ing ninumang samba king animal a mabagsik at king larawan na at tanggap tatak king kanuan na o gamat,

Kapahayagan 16:2

Meko ya ing mumunang anghel at tigtug na king yatu ing laman na ning silyo na. Mika kaplas la at makapandiring sugat ding taung ating tatak ning animal a mabagsik at ding sinamba king larawan na.

Kapahayagan 17:8

Ing animal a mabagsik a ikit mu mebie ya ketang minuna oneng mete ne ngeni; lunto yang pasibayu ibat king bangin at papunta ya king kasiran. Ding taung mabibie king yatu a e makasulat a lagyu king libru na ning bie ibat na inyang melalang ya ing yatu, mangapamulala la kabud akit de iting animal a mabagsik uling mete ne, oneng ngeni pasibayu yang lunto.

Kapahayagan 19:20

Merakap ya ing animal a mabagsik at ing e tutung propetang dinapat milagru arap na. (Deting milagru ilang ginamit na king pamaglinlang karing taung ating tatak ning animal a mabagsik at karing sinamba king larawan na.) Inugse da lang mabie deting adua king dagat-dagatan ning api at ning milalablab a asupri.

Kapahayagan 20:4

Menakit ku namang dakal a tronu. At mirinan lang kapaintulutan matul ding makalukluk karing tronu. Ikit ku la ding kaladua da ring pete ra uli na ning pamagpatutu ra kang Jesus at karing amanu na ning Dios. E la sinamba deti king animal a mabagsik o king larawan na ni tinanggap king tatak na karing karelang kanuan o gamat. Mebie lang pasibayu ban mag-aring kayabe nang Cristo kilub ding libung banua.