Kapahayagan 13:1 - Ing Mayap a Balita Biblia

¹ At ikit keng sinaka king dagat ing metung a animal a mabagsik. Atin yang pitung buntuk at apulung sagu. Atin yang korona ing balang sagu na at makasulat ya king balang buntuk na ing lagyung lalapastangan king Dios.

Kapahayagan 13:1 Iomraidhean Croise

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Daniel 11:36

Gawan na ning ari ning Siria itang buri na. Ipagmaragul na king mas mayupaya ya kesa king ninumang dios, mas matas ya agyang king Kakataskatasan a Dios. Malyari nang arapat iti angga king oras a parusan ne ning Dios. Gawan na't tukian ning Dios itang tingka na.

Daniel 2:41

Ikit yu naman king kapitna pila la at kapitna bakal la ding bitis ampon taliring bitis. Iti mangabaldugan king mapitna ya ing kayarian. Mika atin yang bage sikanan ning bakal, uling ating bakal a makasamut king pila.

Kapahayagan 11:7

Kabud ayari da ing pamipatutu ra king katutuan, lunto ya ing animal a mabagsik a manibat king bangin at makilaban ya karela. Masambut la at apate na la niting animal,

Kapahayagan 12:3

Atin pang metung a tanda a linto king banua: metung yang maragul at malutung dragon. Atin yang pitung buntuk at apulung sagu; balang buntuk na atin yang korona.

Kapahayagan 13:11

Kanita ikit ke ing metung pang animal a mabagsik a linto king yatu. Atin yang aduang sagu a kalupa da ring sagu na ning biserung tupa, at magsalita yang antimo ing dragon.

Kapahayagan 13:14

Alinlang na la ding tau king yatu uli na ning milagrung depat na arap ning minunang animal a mabagsik. Ayagkat na la ban gawang larawan na ning minunang animal a mabagsik a mesugat king espada at ngeni mayap na.

Kapahayagan 13:15

Mipaintulutan ya naman ing kaduang animal a mabagsik munie pangisnawa king larawan na ning minunang animal a mabagsik ban makapagsalita ya, at apapate ding sablang e bisang samba kaniti.

Kapahayagan 15:2

Atin kung ikit a balamu dagat a kristal a milalablab. Ikit ku la naman ding migtagumpe laban king animal a mabagsik at king larawan na at laban king maki lagyung katumbas na ning numero. Makatalakad la king dagat a balamu kristal; tatalnan da la ring alpang binie na ning Dios.

Kapahayagan 16:13

At ikit ku lang lulual king asbuk na ning dragon, ning animal a mabagsik, at ning e tutung propeta, ding atlung marawak a espiritung balamu tugak.

Kapahayagan 17:16

Ding apulung sagu at ing animal a mabagsik a ikit mu pikasaman de ing abaing magtinda king katawan na. Samsaman da ing sablang pibandian na at lakuan deng lubas; kanan da ing laman na at silaban da ing mitagan.

Kapahayagan 17:3

Kanita liban na ku ning Espiritu at dela na ku ning anghel king disyerto. Ikit ke karin ing metung a babaing makasake king malutung animal a mabagsik a ating pitung buntuk at apulung sagu. Makasulat la king mabilug nang katawan ding sablang amanung lalapastangan king Dios.

Kapahayagan 17:5

Makasulat ya king kanuan na ing lagyung ating lihim a kabaldugan: Ing pikabaluan a Babilonia, ing ima ding babaing magtinda king katawan da at ning sablang manong keti king yatu.

Kapahayagan 19:19

At ikit ke ing animal a mabagsik, ding ari na ning yatu, at ding karelang sundalus. Makatipun la ban labanan de ing makasake king kabayu at ding sundalus na.