Biblia Todo Logo
Bìoball air-loidhne

- Sanasan -




Kapahayagan 10:3 - Ing Mayap a Balita Biblia

3 Migsalita yang masikan at antimong galeung ning leon ing siwala na. At kaybat na nita, meramdam la ding pitung duldul.

Faic an caibideil Dèan lethbhreac




Kapahayagan 10:3
16 Iomraidhean Croise  

Ing bosis ning Ginu mararamdam babo ning danuman! Ing upaya ning Dios duldul ing kawangis; ing bosis na kakablas king maragul a danuman.


Ing mua ning ari mengaring galeung ning leon, oneng ing pamaniapat nang mayap mengaring uran a panenayan.


Ngana kanaku ning Ginu, Nung makananung e re atabi ding pastul ing leon king siping ning animal a apate na, agyang bulyon de at kulisakan, makanyan munamang alang makatabi kanaku, ing Ginung Mayupaya, king pamagdipensa ku king Bunduk ning Zion.


Ing Ginu lulual yang makilaban anti ing gerero; makasadia ya at mamalaguang makilaban. Kukulisak ne ing tanda ning pamakilaban; papakit nang upaya na laban karing keyang kalaban.


Gagaga la ding sundalus anti ding leon a mekapate animal at darala de king marayu nung nu alang ninumang makasamsam karela.


Jeremias, sukat mung ibalita ing sablang sinabi ku. Kailangan ing sabian mu kareting tau ing anti kaniti, Magsalita yang masikan ibat banua ing Ginu, at manuldul yang ibat karing katasan ning banua. Ngulangul ya laban karing taung pinili na; kulyo yang anti ing lalaking daramusak karing ubas, ing balang metung king yatu damdaman ne,


Meramdam angga na king patyung makalual ing inge ding pakpak da ring kerubin; kalupa na ning siwala na ning Dios a Mayupaya neng magsalita ya.


Potang galeung na kung anting leon karing karelang kalaban kanita da ku tukian ding taung pinili ku. Manibat king albugan mamalagua lang datang kanaku.


Ing Ginu magsalita yang masikan manibat king Bunduk ning Zion; kakablas ing siwala na manibat king Jerusalem; gagalgal ya ing banua at yatu. Oneng ingatan na lang memalen na.


Nganang sinabing Amos, Magsalita ya ing Ginu karin king Zion; ing bosis na babalandrang ibat Jerusalem. Lalangi ing pipagpastulan, at malalanat ing dikut king Bunduk ning Carmel.


Ninu mo ing e mitakutan neng gagaleung ya ing leon? Potang magsalita ya ing Ginung Dios, ninu mo ing makapibatang e ne sabian ing mensahi na?


At dimdam ke ing metung a siwalang menibat banua a kalupa na ning biung ning danum a darabulbul at mananabu king libis na ning bangin at ning masikan a duldul. Kalupa ne ning musika da ring manigtigan king alpa ing siwalang dimdam ku.


Kanita ikit ke ing metung pang maragul at makapagmulalang tanda king banua; pitu lang anghel a magdalang pitung salut. Ila deti ring katataulian karing salut, uling kareti miyangganan ing mua na ning Dios.


Binie na la ning metung karing apat a lelangan a mabie ding pitung silyo gintu. Mitmu la deti king mua na ning Dios a mabie kapilan man.


Lulual king tronu ing kildap, ing alingongo, at ing duldul. Ating pitung milalablab a sulu arap ning tronu; ila deti ring pitu nang espiritu ning Dios.


Kaybat na nita, kinua ne ning anghel ing insensaryu, at kitmuan neng aping ibat king altar, at inatsa ne king yatu. At sinalisi ing duldul, inge, kildap, at ayun.


Lean sinn:

Sanasan


Sanasan