Kapahayagan 1:3 - Ing Mayap a Balita Biblia

³ Mapalad la ding babasa king librung iti at ding makiramdam king ula a sinabi na at ding mamintu king makasulat! Uling malapit na lang mapalyari deting bage.

Kapahayagan 1:3 Iomraidhean Croise

Ding Kasebian 8:34

Tumula ya ing taung kaku makiramdam, itang aldo-aldo manaya karing kakung pasbul dalan; itang manatiling king pasbul mibuklatanan.

Jeremias 51:61

Ngaku kang Seraia, Potang miras na ka Babilonia, siguraduan mung mabasa lang masikan karing tau ing sablang bage makasulat.

Mateo 24:15

Akit yung marapat king banal a lugal Ing Makapangilabut a Kasiran a inula nang propeta Daniel. Makatalakad ya king banal a lugal. (Iti pansinan na sanang masalese ning babasa!)

Lucas 11:28

Oneng pekibat nang Jesus, Lalu lang mapalad detang makiramdam king amanu na ning Dios at tutuparan da iti!

Roma 13:11

Kailangan yung daptan iti uling balu yu king miras na ing oras: kailangan ing migising na kayu ngeni; ing kaligtasan tamu mas malapit ngeni kesa kanitang megumpisa tamung sinalpantaya.

Roma 13:12

Halus linipas ne ing bengi at malapit neng sunlag ing aldo. Painggulut ta na king pamaniapat karing sablang dapat na ning madalumdum at damputan ta na la ding sandata at lage ta na king masala ban marap king labanan.

1 Pedro 4:7

Malapit nang mirinan kawakasan ing sablang bage. Inya kailangan panatag kayu lub at masala kaisipan ba kayung makapanalangin masalese.

2 Pedro 3:8

Pakamalan kung kakaluguran, e yu kakalinguan ini: king Ginu, ing metung a aldo mengari yang libung banua, at ing libung banua mengari ya mung metung a aldo.

Kapahayagan 22:10

Ngana pa kanaku, E mu la sa lilihim deting ula a atyu keting libru uling malapit na lang mapalyari.

Kapahayagan 22:12

Nganang Jesus, Makiramdam kayu! Malapit na kung datang! Darala ku la ding ablas a ibie ku king balang tau agpang ketang depat na!

Kapahayagan 22:20

Ing patutu kareting bage sasabian na, Wa, tutu! Malapit na kung datang! Amen. Datang na ka sa, O Ginung Jesus!

Kapahayagan 3:11

Datang ku king malaguang panaun. Ingatan mu ing mayap a atyu keka ban e na asamsam ning ninuman ing kekang korona.