Juan 9:8 - Ing Mayap a Balita Biblia

⁸ Ngara ding kasiping nang bale at ding menakit keya inyang magpalimus ya, Aliwa iti ing lalaking parating makalukluk at magpalimos?

Juan 9:8 Iomraidhean Croise

Marcos 10:46

Miras la Jerico. At inyang mamako ne i Jesus at ding alagad na ampon ding dakal a tau, ing metung a lalaking bulag, i Bartimeo a anak nang Timeo, makalukluk yang magpalimus lele na ning dalan.

Lucas 1:58

Abalu da ring siping nang bale at kamaganak ing makapagmulala nang kayapan ning Ginu kang Elizabeth. At mekipagsaya la ngan kang Elizabeth.

Lucas 18:35

Inyang malapit ne i Jesus karin Jerico, ating metung a lalaking bulag a makalukluk lele na ning dalan; magpalimus ya.

Juan 9:9

Ya pin, ngarang mekibat ding mapilan. Aliwa ya, kalupa nia mu, ngara naman ding aliwa. Oneng sinabi na ning bulag, Aku ita.

Ruth 1:19

Sindu ra ing pamaglakbe ra. Inyang miras la Betlehem, mipamulala la ding taung menakit karela. Ngarang mikukutnanan ding babai, Aliwa i Naomi ita?!

1 Samuel 2:8

Itatas na la kabilian ding kalulu, at liligtas na la ding atyu king pamangailangan; pakiluklukan na la karing marangal a tau, at babie ne karela ing marangal a tronu bilang karelang mana. Ding pundasyun ning yatu king Ginu la, at babo ra telakad ne ing yatu.

1 Samuel 21:11

Ngara ding tauan nang Akis, Aliwa i David a ari na ning Israel ine? Ya ing pagkanta da ring babai kabang teterak la, Libu-libu la ding pete nang Saul, oneng laksa-laksa la ring pete nang David.