Juan 9:5 - Ing Mayap a Balita Biblia

⁵ Kabang atyu ku king yatu, aku ing sulu ning yatu.

Juan 9:5 Iomraidhean Croise

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Mateo 4:16

Ding taung manuknangan king kadalumduman menakit lang maragul a sala! Karing manuknangan king anino ning kamatayan karela sunlag ya ing sulu!

Mateo 5:14

Ikayu ing sulu ning yatu. E ya malyaring isalikut ing balen a makatalakad king babo ning bunduk-bundukan.

Lucas 2:32

Metung a sala a pakilala king kekang dalan karing paganu, at munie dangalan king Israel a kekang balen.

Juan 12:46

Dinatang ku keti king yatu antimong sala ban ding sablang maniwala kanaku e na la manatili king dalumdum.

Juan 8:12

Pasibayu yang migsalita i Jesus karing Pariseo. Ngana, Aku ing sulu na ning yatu. E ya lumakad king dalumdum ing tutuki kanaku, nune mika sulu yang babie bie.

Ding Dapat 13:47

Uling ing kautusan a binie na ning Ginu kekami anti ya kanini: Binili da kayung bilang sulu karing paganu ban maging dalan na ning pangakabus ning mabilug a yatu.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

Ding Dapat 26:23

king ing Cristo sukat yang dumalan kasakitan at ya ing maging peka mumuna karing mipasublian mie ban ihayag na ing sala na ning kaligtasan karing Judio at karing paganu.

Efeso 5:14

at ing sablang mipamalino maging masala. Inya masasabi, Migising ka, ikang matudtud, talakad kang ibat karing mete! At aslagan na kang Cristo.

Kapahayagan 21:23

E ne kailangan ing aldo o bulan ban aslagan ne ing siudad uling saslag karin ing ligaya na ning Dios at ing Kordero ya ing sulu.