Juan 9:4 - Ing Mayap a Balita Biblia

⁴ Kabang aldo pa sukat ta lang daptan ding dapat na nitang mitubud kanaku. Ing bengi daratang nung kapilan ala nang makapagobra.

Juan 9:4 Iomraidhean Croise

Ecclesiastes 9:10

Gawan mu ing sablang agyu mu king nanumang pagobran mu, uling king pupuntalan mung kutkutan da ring mete ala na kang pagobran o isipan o beluan o kabiasnan.

Mateo 20:7

Ngarang mekibat, Kasi pu alang mananggapan obra kekami. Nung makanyan, munta kayu at magobra munaman king mulahan kung ubas, ngana karela.

Marcos 3:3

Inaus neng Jesus ing lalaking panat metung a gamat. Ngana, Munta ka keni king arap.

Juan 10:32

Inya sinabi na karela, Pepakitanan da kayung dakal a mayap a dapat ibat king Ibpa, isanu kareti ing sangkan ning pamamasibas yu kanaku?

Juan 10:37

Nung e ku la daraptan ding parapat ning Ibpa ku, e kayu sukat maniwala kanaku.

Juan 12:35

Nganang Jesus karela, Ditak nang panaun ing akayabe ye ing sala. Lumakad kayu kabang atyu kekayu ing sala, pota arakap na kayu ning dalumdum. E na balu ning lalakad king dalumdum nung nu ya pupunta.

Juan 17:4

Pepaligayan da ka keti king yatu; inari ku ing obrang pepagawa mu kanaku.

Juan 4:34

Nganang Jesus, Ing pamangan ku ya ing pamintuan ku ing kaburian na nitang mitubud kanaku at arian ing obrang mibie kanaku.

Juan 5:19

Nganang Jesus karela, Ing katutuan sasabian ku kekayu: ala yang arapat ing Anak king sarili nang kaburian, nune daraptan na mu itang akakit nang daraptan na ning Ibpa. Nanuman ing daraptan na ning Ibpa ya naman ing daraptan na ning Anak.

Juan 5:36

Ating pamipatutu tungkul kanaku a maygit king pamipatutu nang Juan: ila pin ding dapat a parapat na ning Ibpa kanaku a kanaku namang daraptan. Ila deti ring patutu kanaku king ing Ibpa ya ing mitubud kanaku.

Juan 7:33

Inya sinabi nang Jesus, Akayabe yu ku king ditak namung panaun at mibalik na ku ketang mitubud kanaku.

Ding Dapat 4:20

Uling e ke malyaring e magsalita tungkul king ikit mi ampon dimdam.

Galacia 6:10

Samantalanan tamu ing sablang oportunidad a makagawa tamung mayap king kalupang tau lalung-lalu na karing kapatad tamu king kasalpantayanan.

Efeso 5:16

Samantalanan yung makarapat mayap king balang oportunidad, uling marawak ing mag-ari king kasalukuyan.

Colosas 4:5

Maging matalino kayu sa king pamakiabe yu karing e talasalpantaya; gamitan yung masalese ing sablang oportunidad a miyabie kekayu.