Juan 9:34 - Ing Mayap a Balita Biblia

³⁴ Pekibat da, Ikang mipanganak at meragul king kasalanan, ikang turu kekame? At tiwalag de king sinagoga.

Juan 9:34 Iomraidhean Croise

Genesis 19:9

Oneng pekibat da kang Lot, Mako na ka kian! Ing taung iti, ngarang meninsultu, mekipanuknangan ya mu keti at saka mo ngeni manutus ya! Lisia ka nung e ka bisang lumasa balat migit karela! Saka ra ne penulak angga na king malapit da niang alasak ing pasbul.

2 Cronica 25:16

Nganang Amazia, kabang magsalita ya pa ing propeta, Kapilan ka pa mitulduan tagapayu ning ari? Patugut ka, nung ali papate ra ka! Tinuknang ya ing propeta oneng ikua nang asabi ing anti kaniti, Balu ku king migpasya ne ing Dios ban papate na ka king depat mu at king e mu pamakiramdam king payu ku.

Job 14:4

Kapilan man alang malinis a malyaring manibatan king nanumang marinat antimo ing tau. Ala metung man.

Job 25:4

Atin metung mu man a malyaring maging matulid o malinis king arapan na?

Ding Dalit 51:5

Marawak na ku manibat na inyang mibait ku; kanita pang pengagli da ku makasalanan na ku.

Exodo 2:14

Mekibat ya ing taung kitnan na, Ninu ing minie upaya keka ban maging pamuntuk ka at ukum kekami? Buri mu ku munaman galang paten antimo nung makananu meng pete itang tau Ehipto? Mitakutan ya i Moises at ngana king lub na, Abalu da na pala deng tau ing depat ku.

Ding Kasebian 22:10

Itabi me ing taung mapanuksu at milako na kanita ing pamipate at pamanagkas.

Ding Kasebian 26:12

Mas mayap ing mangmang kesa king taung isipan nang biasa ya kabang ali ne man.

Ding Kasebian 29:1

Ing taung maralas misasabianan, oneng buntuk na lalu neng pasiasan, e lumuat miras ya king kapahamakan at e ne makabangun pa.

Isaias 65:5

At sasabian da pa karing aliwa king e la sukat lalapit karela pota atagkil da la uli mo kanung tutu lang banal. E ku na la apibata deng taung makanyan! Mengari king aping e matatda ing mua ku karela.

Isaias 66:5

Makiramdam kayu king sasabian na ning Ginu, ikayung ating takut at mamintu king Ginu: Uling tapat kayu kanaku, pikasaman da kayu ding mapilan karing kabalen yu at ala lang pakialam kekayu. Insultuan da kayu at ngarang sumabi, Paburen tamung pakit na kekatamu ning Ginu ing upaya na at ing pamagligtas na ba da kayung akit saya! Oneng ila mismu ding mangapakarine!

Lucas 11:45

Ngana ning metung karing talaturu ning Kautusan, Maestro, pati ikami insultuan mu king sasabian mung yan!

Lucas 14:11

Uling ing ninumang magmatas mibaba ya, at ing ninumang magpakumbaba mitas ya.

Lucas 18:17

Iti yang tandanan yu! Ninuman ing e tanggap king Kayarian ning Dios anti ing pamananggap da ring mangalating anak kapilan man e ya milub karin.

Lucas 6:22

Mapalad kayu nung pikasaman da kayu, tanggian at pamakarinayan at paniabianan e mayap king uli na ning Anak ning Tau!

Juan 6:37

Lumapit la kanaku ding sablang babie na ning Ibpa kanaku at e ke tanggian ing ninumang lumapit kanaku,

Juan 8:41

Ing daraptan yu kalupa na ning daraptan na ning sarili yung tata. Pekibat da kang Jesus, E ke anak king lual; atin keng metung a tata, ing Dios.

Juan 9:2

Kitang da ring alagad na, Maestro, ninu ing makikasalanan king pangabait nang bulaging lalaking iti o ding pengari na?

Juan 9:22

Makanyan lang migsalita ding pengari na uling tatakut la karing Judio at uli na ning pikasundu da ring Judio king itiwalag de king sinagoga ing ninumang sumabi king i Jesus ya ing Cristo.

Juan 9:35

Abalitan nang Jesus king tiwalag de; inya inyang ikit ne sinabi na keya, Maniwala ka wari king Anak ning Tau?

Juan 9:40

Dimdam da iti ding mapilan karing Pariseo a atyu karin kayabe na, at kitang da, Ing buri mung sabian bulag kame?

Galacia 2:15

Wa, tutu pin ing mibait kaming Judio at e anting paganung makasalanan.

Efeso 2:3

Makakayabe tamu kareti king panaun a milabas; mibiebie tamu agpang king marawak nang kapagnasan ning laman at penusignan tamu ing e mayap nang hilig ning kekatamung katawan at kaisipan. Inya king katutubu tamung kabilian makakayabe tamu karing taung kamuan na ning Dios, kalupa da ring aliwa.

1 Pedro 5:5

At ikayung kayanakan a lalaki, pailalam kayu upaya karing makatua. Ikayu ngan sabla isulud yu ing kababan lub ba kayung misusuyuanan, uling sasabian na ning Kasulatan, Kasaman na la ning Dios ding palalu, oneng papakit yang ganaka karing mababa lub.

3 Juan 1:10

Sabian ku ngan pangaras ku ken ing sablang kalaraman a sinabi na laban kekami. At e pa makagyu iti kang Diotrefes. E na na la buring tanggapan ding kapatad a daratang karin, sasabatan na la pa, at tatabi na lang palualan king iglesia ding bisang tanggap karela!

3 Juan 1:9

Sinulat kung makuyad king iglesia; oneng i Diotrefes a maburing maging manimuna da e na ku pekiramdaman.

Kapahayagan 13:17

Alang makasali o makapamisali subali mu nung makatatak ya keya ing lagyu na ning animal a mabagsik o ing katumbas nang numero niti.