Juan 9:24 - Ing Mayap a Balita Biblia

²⁴ Inya pasibayu deng inaus ing sadiang bulag at ngara keya, Sabian mu ing katutuan arapan na ning Dios! Balu mi king makasalanan ya ing taung ita.

Juan 9:24 Iomraidhean Croise

Ezra 10:11

Ngeni ipagtapat yu king Ginu, ing Dios da ring kekayung makatua, ing depat yung pamikasala at daptan ing kaburian na. Kawani kayu karing tau na niting bansa at kawanian yu la munaman ding asawa yung e yu kalahi.

Isaias 66:5

Makiramdam kayu king sasabian na ning Ginu, ikayung ating takut at mamintu king Ginu: Uling tapat kayu kanaku, pikasaman da kayu ding mapilan karing kabalen yu at ala lang pakialam kekayu. Insultuan da kayu at ngarang sumabi, Paburen tamung pakit na kekatamu ning Ginu ing upaya na at ing pamagligtas na ba da kayung akit saya! Oneng ila mismu ding mangapakarine!

Marcos 15:27

Kayagnan na lang mipakung Jesus ding aduang tulisan, ing metung king banda nang wanan at ing metung king banda nang kayli. [

Lucas 15:2

Mibubulungan la ding Pariseo at ding talaturu ning Kautusan. Ngara, Makisalamuha ya ing taung iti at makisulu karing makasalanan!

Lucas 19:7

Mibubulungan la ding sablang menakit king mepalyari. Ngara, Makipagbisita ya king metung a makasalanan!

Lucas 7:39

Inyang ikit na iti ning Pariseong mengumbira kang Jesus, sinabi na king sarili na, Nung ing taung ini tune yang propeta, sukat nang balu nung ninu at nung nanu yang uring babai ining tatagkil keyametung yang babaing palpikasala!

Juan 14:30

E ku na pakakaban pa ing sabian ku kekayu uling daratang ne ing pamuntuk na ning yatung iti. Ala yang upaya kanaku;

Juan 16:2

Itiwalag da kayu karing sinagoga. Datang ing panaun potang ing ninumang makamate kekayu isipan na king susuyu ya king Dios.

Juan 18:30

Pekibat da, Nung e ya dinapat e mayap ing taung iti, e mi ya sa dela keka.

Juan 19:6

Panakit da kang Jesus ding pamuntuk da ring pari at ding guardia, sinabi rang masikan, Ipaku me king krus! Ipaku me king krus! Nganang Pilato karela, Kuanan ye at ikayung mipaku king krus uling ala kung akakit a kasalanan na.

Juan 5:23

ban ding sabla gumalang la king Anak, antimo ing pamangalang da king Ibpa. Itang e gagalang king Anak e gagalang king Ibpa a mitubud keya.

Juan 8:46

Ninu kekayu ing makapatutu king mikasala ku? Nung katutuan ing sasabian ku, baket e yu ku paniwalan?

Juan 8:49

Mekibat ya i Jesus, E na ku alipnan ning demonyu, nune igagalang ke ing Ibpa ku, oneng ikayu e yu ku gagalangan.

Juan 9:16

Ngara ding mapilan a Pariseo, E ya king Dios ing taung ita uling e ya tutupad king Aldo ning Sabbath. Oneng sinabi da ring mapilan, Makananu yang makarapat ing taung makasalanan karing anti kareting milagru? Milaban-laban ing sasabian da.

Juan 9:25

Nganang mekibat, E ku balu nung makasalanan ya o ali. Metung mu ing balu ku: kanita bulag ku, oneng ngeni manakit ku.

Roma 8:3

Depat na ning Dios ing e na arapat ning Kautusan uli na ning keinan ning tau. Tinubud ne ning Dios ing Anak na a dinatang kalupa na ning taung makasalanan ban ilako na ing kasalanan. King kapamilatan na ning depat nang iti ning Dios perusan na ing kasalanan a magobra king keinan na ning tau

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Josue 7:19

Nganang Josue kang Acan, Anak ko, sabian mu ing katutuan keni king arap na ning Ginu, ing Dios ning Israel. Sabian mu ngeni kanaku nung nanu ing gewa mu. E mu na sana pagnasan ing ilingad mu pa kanaku.

Kapahayagan 11:13

Minayun masikan king oras a ita at melasak ya ing kapulung dake na ning siudad, at pitu lang libu ding mete king ayun. Mitakutan la ding taung mitagan at pinuri da ing degulan na ning Dios ning banua.