Juan 9:18 - Ing Mayap a Balita Biblia

¹⁸ E la bisang maniwala ding Judio king sadia yang bulag at ngeni manakit ne anggang e da la inaus ding pengari na.

Juan 9:18 Iomraidhean Croise

Genesis 19:14

Linual ya i Lot at pekisabian na la ding maging manuyang nang lalaki. Ngana karela, Malagua kayu! Lakuan ye iting siudad uling malapit na neng lasakan ning Ginu. Oneng bala ra mamiru ya mu ing katuangan dang i Lot.

Isaias 26:11

E ra balu ding kekang kalaban king keka lang parusan. Ginu, ibili mu la king kamarinayan, at paburen lang misakitan; paburen lang magdusa king sidia mung parusa. Ipakit mu karela nung nu anti ing lugud mu karing pinili mung tau.

Isaias 53:1

Ngara ding tau, Ninu ing malyaring maniwala kekami king ipamalita mi ngeni? Ninu ing malyaring makaintindi king iti dapat ning Ginu?

Lucas 16:31

Sinabi nang Abraham, Nung e la makiramdam kang Moises at karing propeta e la munaman maniwala agyang king mete a sinubling mebie.

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 5:44

Makananu kayung makapaniwala ngening pagnasan yung tanggap kapurian ibat karing tau, at e yu pagnasan ing tanggap kapurian a manibat king bukud mung Dios?

Juan 9:19

At kitnan da la, Anak ye iti? Sasabian yu king mibait yang bulag. Nanu ing sangkan baket manakit ya ngeni?

Juan 9:22

Makanyan lang migsalita ding pengari na uling tatakut la karing Judio at uli na ning pikasundu da ring Judio king itiwalag de king sinagoga ing ninumang sumabi king i Jesus ya ing Cristo.

Hebreo 4:11

Inya gisanan tamu ing sablang agyu tamu ba tamung milub at manakit kapaynawan. Ninuman sa kekatamu e ya makiapus king pamanialangsang da ban e ya mipahamak kalupa ra.