Juan 8:6 - Ing Mayap a Balita Biblia

⁶ Sinabi ra iti ba reng pakirakpan; ban atin lang abusbus laban kang Jesus. Dinuku ya i Jesus at king kapamilatan na ning taliri na sinulat ya king gabun.

Juan 8:6 Iomraidhean Croise

Genesis 49:9

Juda, anti ka waring leon, pasibayu kang sasalikut kaybat mung mekamate; leon kang magpaynawa a e na lalapitan ning ninuman.

Ding Dalit 39:1

Ngaku king lub ku, Mingat ku king kakung daraptan ban dila ku e ya makarapat kasalanan; asbuk ku kaku yang pigilan kabang kayarap ku lang taung makasalanan.

Ding Kasebian 26:17

Ing makiabe king pisasabian a e na sukat pakialaman mengari ya king taung titikma king balugbug ning asu.

Ecclesiastes 3:7

Ating panaun ning pamangisi, at ating panaun ning pamanulsi; ating panaun ning pamagtahimik, at ating panaun ning pamagsalita.

Jeremias 17:13

Ginu, ika ing kapanayan na ning Israel; kamarinayan ing kamtan da ring sablang painggulut keka. Matda lang anti ding lagyung misulat king alikabuk, uling ika, Ginu, ing karelang gilutan, ika ing sibul ning makapasno danum.

Daniel 5:5

Kabud-abud linto ya ing metung a gamat ning tau, at megumpisa yang sinulat king pader ning palasyu nung nu tutud ing sala da ring sulu. Ikit ne ning ari ing gamat kabang susulat ya.

Amos 5:10

Kasaman yu la ding taung papakilala king e matulid at ding taung magsalita king mabilug a katutuan arapan na ning husgadu.

Amos 5:13

Inya masanting pa ing e na kayu bubulad kaniting panaun a e mayap!

Ding Bilang 14:22

ala metung man kareting taung menakit king upaya ku at ding bage pagmumulalan a depat ku king Ehipto at king disyerto at paulit-ulit maniubuk kanaku at e bisang makiramdam kanaku

Mateo 10:16

Tandanan yu! Tutubud da kayu antimong tupa libutad da ring asung-gubat. Sukat kayung maging matalino antimo ding ubingan, at mamu lub antimo ding patipati.

Mateo 15:23

Oneng e ne bitasang pekibatan Jesus. Linapit la ding alagad na at pekisabi ra, Palakuan yu ne. E na katamu patugutan tutukian at atne king kasigla!

Mateo 16:1

Linapit la kang Jesus ding mapilan a Pariseo at Saduseo. Buri deng subukan, inya inawad da ing palto yang metung a milagru karela.

Mateo 19:3

Linapit la kang Jesus ding mapilan a Pariseo uling buri deng arakap king pamagsalita na. Ngarang mengutang kang Jesus, Paintulut na ning kekatamung Kautusan ing idiborsyu ne ning lalaki ing asawa na uli na ning isanu pa mang kasangkanan?

Mateo 22:18

Oneng balu nang Jesus ing e mayap dang parasan, inya ngana karela, Hipokrita! Obat buri yu kung subukan?

Mateo 22:35

At mengutang ya kang Jesus ing metung karela a talaturu ning Kautusan ba neng subukan.

Mateo 26:63

Oneng e ya bubulad i Jesus. Nganang pasibayung migsalita ning Pekapun ding Pari, Yuyutus ku keka: King lagyu na ning Dios a mabie, sabian mu kekami nung ika ing Cristo, ing Anak ning Dios.

Marcos 10:2

Linapit la kang Jesus ding mapilan a Pariseo uling buri deng arakap king pamagsalita na. Sabian mu kekami, ngarang kinutang, paintulut na ning kekatamung Kautusan ing idiborsyu ne ning lalaki ing asawa na?

Marcos 12:15

Oneng balu nang Jesus king magkunwari la mu, inya ngana karela, Baket paniubukan yu ku? Dinan yu kung salaping pamayad buis ba keng lawan.

Marcos 3:2

Pegumasdan de ring taung atyu karin i Jesus ba rang akit nung uluan ne ing lalaking ita king Aldo ning Sabbath ban atin lang adalum laban keya.

Marcos 8:11

Detangan de ring mapilan a Pariseo i Jesus at megumpisa lang mekiargu keya. Buri deng arakap king pamagsalita na. Inawad da kang Jesus king pakit yang metung a milagru a patutu king ing upaya na manibat banua.

Lucas 10:25

Linapit ya ing metung a talaturu ning Kautusan ba neng paniubukan i Jesus. Nganang mengutang, Maestro, nanu ing sukat kung daptan ba kung tanggapan ing bie alang angga?

Lucas 11:16

Atin munamang mekipagsalita kang Jesus ba reng paniubukan. Inawad da kang Jesus ing pakit yang milagru a ibat banua.

Juan 8:2

At kabukasan abak a maranun minta yang pasibayu king Templo. Lepitan de ring sablang tau karin. Linukluk ya i Jesus at tiru na la.

1 Corinto 10:9

E ta ya kailangan paniubukan ing Ginu antimo ing depat da ring mapilan karela, at mete la uling meket lang ubingan.