Juan 8:54 - Ing Mayap a Balita Biblia

⁵⁴ Pekibat nang Jesus, Nung parangalan ku ing sarili ku iti alang kabaldugan. Ing Ibpa ku ya ing parangal kanaku. Ya ing amanuan yung Dios yu.

Juan 8:54 Iomraidhean Croise

Ding Kasebian 25:27

E mayap ing lalabis a pulut-panilan, makanyan munaman ing magimbut king labis-labis a kapurian.

Isaias 66:5

Makiramdam kayu king sasabian na ning Ginu, ikayung ating takut at mamintu king Ginu: Uling tapat kayu kanaku, pikasaman da kayu ding mapilan karing kabalen yu at ala lang pakialam kekayu. Insultuan da kayu at ngarang sumabi, Paburen tamung pakit na kekatamu ning Ginu ing upaya na at ing pamagligtas na ba da kayung akit saya! Oneng ila mismu ding mangapakarine!

Hosea 1:9

Kanita ngana ning Ginu kang Hosea, Pamalagyuan meng E Ra Kayu Memalen, uling e ku ne bansa ing Israel at aliwa na aku ing karelang Dios.

Juan 17:1

Inyang asabi na la deting amanu tinalanga ya banua i Jesus at ngana, Ibpa, dinatang na ing oras; paligayan me ing Anak mu ban apaligayan na ka ning Anak.

Juan 17:5

At ngeni, Ibpa, paligayan mu ku king keka mu ring kaligayan a sadiang atyu kanaku king pangayabe ku keka bayu ya melalang ing yatu.

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 5:41

Aliwa ing kapurian da ring tau ing pagnasan ku.

Juan 7:18

Buri na ning maniabi king sarili nang kayupayan ing miparangalan ya ing sarili na. Oneng ing manintun king dangalan na ning mitubud keya tapat ya at alang kalaraman keya.

Juan 7:39

Iti sinabi na tungkul king Espiritu a tanggapan ding maniwala keya. E ya pa miyabie kanita ing Espiritu uling e ya pa mipaligayan i Jesus.

Juan 8:41

Ing daraptan yu kalupa na ning daraptan na ning sarili yung tata. Pekibat da kang Jesus, E ke anak king lual; atin keng metung a tata, ing Dios.

Juan 8:50

Makanyan man, e ku panintunan ing sarili kung dangalan; ating metung a manintun kaniti at ya ing mamatul.

Ding Dapat 3:13

Ing Dios nang Abraham, Isaac, Jacob, at ing Dios ding kekatamung makatua ya ing pepaligaya king Talasuyu nang i Jesus. Oneng ikayu ing peparakap keya at kaybat tinggian ye king arapan nang Pilato, agyamang buri neng ipabulus Pilato.

2 Corinto 10:18

Uling ing parangalan na ning Dios ya itang karapatdapat keya at aliwa itang pupuri king sarili na.

1 Pedro 1:12

Pepabalu na ning Dios kareting propeta king ing karelang obra e para king sarili dang kapakanan nune para kekayu. Pepakilala na iti inyang migsalita la tungkul karing katutuan a ngeni kekayu nang dimdam karing talapanaral na ning Mayap a Balita. Menaral la kekayu kapamilatan na ning Banal a Espiritung miyabie karela ibat banua. Ila naman ding sinabi kekayu karing mesabing katutuan, ding katutuan a mismung ding anghel buri dang apaki-intindian.

1 Pedro 1:21

King kapamilatan na maniwala kayu king Dios a pepasubling mebie at pepaligaya keya; inya ing kasalpantayanan yu at kapanaligan makapamisan ngan king Dios.

2 Pedro 1:17

Atyu kami karin inyang dininan neng dangal at kaligayan ning Dios Ibpa, inyang ing siwala miras ibat king Kakataskatasan a Ligaya ning Banua at nganang sinabi, Iti ya ing sarili kung Anak a pakamalan, keya tutu kung mipamatulan!