Juan 8:49 - Ing Mayap a Balita Biblia

⁴⁹ Mekibat ya i Jesus, E na ku alipnan ning demonyu, nune igagalang ke ing Ibpa ku, oneng ikayu e yu ku gagalangan.

Juan 8:49 Iomraidhean Croise

Isaias 42:21

Ing Ginu Dios yang matulang magligtas, inya ding keyang kautusan at turu dininan na lang dangal, at buri na king kilalanan na la ning balen na.

Isaias 49:3

Ngana kaku, Israel, ika ing kakung talasuyu; uli mu, purian da ku ring tau.

Juan 11:4

Inyang tinggap nang Jesus iting balita, sinabi na, E na ikamate iting sakit; nune milyari iti para king ikaligaya na ning Dios ban mipaligayan ya ing Anak ning Dios king kapamilatan na niti.

Juan 12:28

Ibpa, parangalan me ing lagyu mu. Kanita ing metung a siwalang ibat banua sinabi na, Peparangalan ku ne at parangalan ke pang pasibayu.

Juan 14:13

Ing nanumang aduan yu king lagyu ku daptan ku ban mipaligayan ya ing Ibpa king kapamilatan na ning Anak.

Juan 17:4

Pepaligayan da ka keti king yatu; inari ku ing obrang pepagawa mu kanaku.

Juan 7:20

Mekibat la ding tau, Alipnan na ka pin ning demonyu! Ninu wari ing bisang makamate keka?

Juan 8:29

Kayabe ke ing mitubud kanaku; e na ku likuan dili-dili uling daraptan kung parati ing makaibie tula keya.

Ding Dapat 5:41

Meko lang kitmuan tula ding apostol king arap ning Konsehu, uling ila meyakit lang karapatdapat dumalan kaligaligan alang-alang king lagyu nang Jesus.

1 Corinto 11:14

Tuturu na ning naturalesa mismu king manong para king lalaki ing makaba ya buak,

1 Corinto 15:43

Tutu yang matsura at maina neng kukutkut ta ya; potang subli yang mie maging malagu ya at masikan.

1 Pedro 2:23

E ya minablas insultu inyang ininsultu de; e na inisip ing ganti ya inyang pepasakitan de, nune peniwala na ing sarili na king Dios, ing Ukum a makatuliran.