Juan 8:48 - Ing Mayap a Balita Biblia

⁴⁸ Ngara ding Judio kang Jesus, E ke wari tinud king sinabi ming Samaritano ka at alipnan na ning demonyu?

Juan 8:48 Iomraidhean Croise

Isaias 49:7

Ketang alang kalupa king pamaglibak, at pikakasaman ding sablang bansa, at talasuyu da ring pamuntuk; ing banal a Dios at talapagligtas ning Israel sasabian na, Akit da kang malaya ding ari, at talakad la ban ipakit da ing pamangalang da; akit da naman iti ding prinsipi at duku la ban galangan da ka. Iti mapalyari uling ing Ginu ya ing memili king talasuyu na; ing banal a Dios ning Israel tutuparan na lang pangaku na.

Isaias 53:3

Lepastangan de ring tau at tinggian; pibata na ing kaplas at ing kasakitan. Ala mang bisang lumawe king keyang kabilian; e ta ya pinsingan, anti yang alang kabaldugan.

Mateo 10:25

Inya makagyu ne king magaral ketang maging kalupa ne ning talaturu na, at maging kalupa ne ning ipus ing panginuan na. Nung ausan deng Beelzebul ing buntuk ning pamilya, lalung marok ing iyaus da karing miembru ning pamilya na!

Mateo 10:5

Tinubud na lang Jesus at penabilinan na lang anti kanini: E kayu lulub king sakup ding paganu ni e kayu lulub king sasakupan ning Samaria,

Mateo 11:18

Dinatang ya i Juan, mig-ayunu ya, at e mininum alak, at sinabi da ring tau, Maki demonyu ya!

Mateo 12:24

Ngarang mekibat ding Pariseo, inyang dimdam da iti, Apapalualan na la ding demonyu uli na ning upayang binie nang Beelzebul a pamuntuk da ring demonyu.

Mateo 12:31

Inya sasabian ku kekayu: malyari lang mipatawaran ding tau king isanu mang kasalanan at king isanu mang e mayap a sasabian da; oneng e ya mipatawaran ing ninumang magsalitang kalapastanganan king Banal a Espiritu.

Mateo 15:7

Hipokrita! Tinud yang tinud ing propeta Isaias a minie ula tungkul kekayu:

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 10:20

Dakal la karela ding sinabi, Alipnan ne ning demonyu! Sira ya buntuk! Baket pakiramdaman ye?

Juan 13:13

Ausan yu kung Maestro at Ginu at tinud kayu; uling makanyan ku pin.

Juan 4:9

Mekibat ya ing Samaritana, Judio ka at aku Samaritana ku, obat maki-inum ka kanaku? (Sinabi na iti uling ala lang pamakiabe ding Judio karing Samaritano.)

Juan 7:20

Mekibat la ding tau, Alipnan na ka pin ning demonyu! Ninu wari ing bisang makamate keka?

Juan 8:22

Ngara ding Judio, Magpakamate ya kaya? Ita kaya ing sangkan nung inya sinabi nang E kayu makapunta ketang lugal nung nu ku munta?

Juan 8:52

Ngara ding Judio, Ngeni, siguradu na kami king alipnan na ka pin ning demonyu! Mete ya i Abraham, antimu rin ding propeta; makanyan man sasabian mu, Ing tutupad king tuturu ku e na takman kapilan man ing kamatayan.

Roma 15:3

Uling e na peligayan Cristo ing sarili na. Antimo ing sasabian na ning Kasulatan, Digpa la kanaku ding insultu a sasabian da ring maninsultu.

Hebreo 13:13

Inya munta tamu kang Jesus king lual ning balen at damayan ta ya king kamarinayan a pibata na.

Santiago 2:19

Maniwala ka king ating metung mung Dios? Masanting! Ding demonyu man maniwala la at gagalgal la pa king takut.