Juan 8:46 - Ing Mayap a Balita Biblia

⁴⁶ Ninu kekayu ing makapatutu king mikasala ku? Nung katutuan ing sasabian ku, baket e yu ku paniwalan?

Juan 8:46 Iomraidhean Croise

Mateo 21:25

Nukarin na kinuang Juan ing upaya nang maminyag? Ibat banua o ibat karing tau? Mipagsalita la king metung at metung at ngara, Nung sabian tamung ibat banua, sabian na kekatamu, Baket e kayu meniwala keya?

Marcos 11:31

At pisabisabi ra, Nung sabian tamung menibatan king Dios, sabian na kekatamu, Baket e ye peniwalan?

Juan 14:30

E ku na pakakaban pa ing sabian ku kekayu uling daratang ne ing pamuntuk na ning yatung iti. Ala yang upaya kanaku;

Juan 15:10

Nung tuparan yu la ding utus ku, manatili kayu king lugud ku, antimo nung makananu kung tutupad karing utus nang Ibpa ku at manatili ku king lugud na.

Juan 16:8

At paniatang na, pakilala na karing tau keti king yatu nung isanu ing kasalanan, nung isanu ing matulid at ing kayatulan na ning Dios.

Juan 18:37

Nganang Pilato, Ing buri mung sabian, metung ka ping ari? Mekibat ya i Jesus, Ika ing sasabing ari ku. Iti ya ing sangkan nung inya mibait ku at dinatang keti king yatu ban munie patutu king katutuan. Makiramdam ya kanaku ing ninumang atyu king katutuan.

Juan 8:47

Ing menibat king Dios makiramdam ya karing amanu na ning Dios. Oneng e kayu ibat king Dios inya e kayu bisang makiramdam.

Juan 8:7

Sigiran de king karelang pamangutang; inya inarapan na lang Jesus at sinabi na karela, Ing ninuman alang kasalanan kekayu ya ing munang masibas keya.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Hebreo 4:15

Ing kekatamung Pekapun ding Pari biasa yang makisanmetung a panamdam king kekatamung keinan. Uling dinalan ya naman king sablang kapagsubukan a kalupa na ning daralanan tamu agyamang e ya mikasala.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

1 Pedro 2:22

E ya dinapat nanumang pamikasala; alang metung mang kalaraman a meramdam karing labi na.