Juan 8:39 - Ing Mayap a Balita Biblia

³⁹ Pekibat da kang Jesus, I Abraham ya ing tatang mi. Nganang Jesus karela, Nung anak na kayung Abraham, depat yu sa ing dapat nang Abraham.

Juan 8:39 Iomraidhean Croise

Mateo 3:9

E yu pangangas sasabian king lahi na kayung Abraham. Sasabian ku kekayu, agyang karing batung deni ing Dios makapalto yang tune nang lahing Abraham.

Mateo 5:45

Kanita maging tune na kayung anak ning Ibpa yung atyu banua, uling papaslag ne ning Dios ing aldo na karing e mayap at karing mayap a tau, at babie na ing uran na karing darapat mayap at karing darapat e mayap.

Juan 8:33

Pekibat da kang Jesus, Lahi na keng Abraham at kapilan man e ke pa me-ipus kenu man. Makananu mung asabing Maging malaya kami?

Juan 8:37

Balu ku king lahi na kayung Abraham; makanyan man buri yu kung paten uling alang lugal ing tuturu ku karing pusu yu.

Juan 8:43

Baket e yu aintindian ing sasabian ku? Uling e yu atanggap ing sasabian ku.

Juan 8:56

Metula ya i tata yung i Abraham inyang abalu na king akit na ing paniatang ku at ikit na iti at mesaya ya.

Roma 4:12

E ku lalako king i Abraham tata ria naman ding mesirkunsisyun. Oneng e uli na ning pangasirkunsisyun da, nune uli na ning mabibie la agpang king kasalpantayanan a kalupa na ning kang Abraham kanita pang bayu ya mesirkunsisyun.

Roma 4:16

Inya, makatalakad ing pangaku king kasalpantayanan ban makilala king ing pangaku metung yang grasya a babie nang alang bayad ning Dios, at makasadia ya para karing sablang lahi nang Abraham; e mu karelang mamintu king Kautusan nune pati na karetang ating kasalpantayanan a kalupa na ning kang Abraham. Tata ta ya ngan i Abraham;

Roma 9:7

ni e la ngan anak na ning Dios ding lahi nang Abraham. Ngana ning Dios kang Abraham, Ding lahi nang Isaac ilang maging lahi mu.

Galacia 3:29

Nung makayabe kayu kang Cristo, ikayu ding lahi nang Abraham, ikayu ding tanggap king pengaku na ning Dios.

Galacia 3:7

Uli na niti, kailangan yung kilalanan king ding taung ating kasalpantayanan ila ding tune nang lahing Abraham.