Juan 8:36 - Ing Mayap a Balita Biblia

³⁶ Nung ing Anak gawan na kayung malaya tune ping malaya kayu.

Juan 8:36 Iomraidhean Croise

Ding Dalit 119:133

Agpang king kekang pengaku, e mu ku paburen mananabu; e mu ku paisaul king e mayap.

Ding Dalit 119:32

E ku mipaindatun anggang e ko ngan atuparan ding kekang kautusan, uling ing pamanalastas babie mu naman.

Ding Dalit 19:13

Iligtas me ining kekang talasuyu king kasalanan ning kapalaluan; e me paburen mag-ari iti kaku, kanita maging lubus kung alang kapintasan; alang mantsa ning mabayat a kasalanan.

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Lucas 4:18

Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit,

Roma 8:2

Ing kautusan ning Espiritu a babie king bie a makayabe kang Cristo Jesus, leko na ku king kautusan ning kasalanan at kamatayan.

1 Corinto 7:22

Uling ing ipus a inaus na ning Ginu metung yang taung malaya na king Ginu; makanyan munaman king malayang lalaki a inaus nang Cristo, metung yang ipus na.

2 Corinto 3:17

Ing Ginung mababanggit ya ing Espiritu, at nung nu ya atyu ing Espiritu ning Ginu, karin ating kalayaan.

Galacia 5:1

Gewa na katamung malaya'ng Cristo at buri na ing manatili tamung malaya. Uli na niti, manatili kayu sanang malaya at e yu na paintulut ing ma-ipus kayu pang pasibayu.