Juan 8:32 - Ing Mayap a Balita Biblia

³² at abalu yu ing katutuan at gawan na kayung malaya ning katutuan.

Juan 8:32 Iomraidhean Croise

Ding Dalit 119:45

Mibiebie kung mitmung kalayaan, uling pagkapilitan ku lang tuparan ding kekang kautusan.

Ding Dalit 25:5

Ituru mu ku at tairan king kekang katutuan, uling ika ing kakung Dios at kaligtasan; patitingapun ikang kakung panayan.

Ding Kasebian 1:23

Pakiramdaman yu ing turu ku; dinan da kayung mayap a turu at dinan kening balu ku.

Ding Kasebian 1:29

Uling pikasaman yu ing kabiasnan; e kayu bitasang tatakut king Ginu,

Ding Kasebian 4:18

Oneng mengari ya ing dalan na ning taung matulid king aldo a saslag; lalu yang maslag neng aldo tapat.

Isaias 2:3

Dakal lang bansa ding lumapit, at karelang memalen sabian da, Tara, mukiat tamu king bunduk ning Ginu, king Templo ning Dios nang Jacob. Ituru na kekatamu nung nanu ing buri nang daptan tamu; lumakad tamu karing dalan a pinili na. Ing tuturu ning Ginu manibatan Jerusalem; manibat king Zion magsalita ya para karing taung pinili na.

Isaias 30:21

Nung malili kayu king dalan, king banda yu mang wanan o kayli, damdaman yu ing siwala na kagulutan yu. Sabian na, Oyni ing dalan. Keni kayu dumalan.

Isaias 35:8

Mika malualas a dalan karin a mayaus Ing Dalan ning Kabanalan. E makadalan karin ing ninumang makasalanan ni makapaglinlang ding mangmang karing daralan.

Isaias 54:13

Aku mismu ing turu karing kekang memalen, at dinan labis-labis a kabiayan ampon kapayapan.

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Jeremias 6:16

Nganang sinabi ning Ginu karing taung pinili na, Talakad kayu karing salapungan da ring dalan at maglalawe kayu. Pangutang yu la ding matuang dalan at nung nu ya karin ing masanting diling dalan. Karin kayu dumalan at mie kayu king kapayapan. Oneng sinabi ra, E ke bisa!

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Levitico 25:41

Potang miras na ing banuang ita paintulutan yu neng mako ya at ding anak na ban makapagbalik la king penibatan na at king gabun a pibandian da ring makatua na.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Mateo 11:29

Pusanan ye ing paud ku at magaral kayu kanaku uling mamu ku at mababa lub, at manakit kayung kapaynawan.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 16:13

Saupan na kayu paniatang na ning Espiritu ning katutuan ban aintindian yu ing sablang katutuan. Uling e ya magsalita king sarili na, nune magsalita ya kekayu king dimdam na at sabian na la ding bage datang.

Juan 17:17

Gawan mu lang keka king kapamilatan na ning katutuan; katutuan ing amanu mu.

Juan 6:45

Makasulat karing libru da ring propeta, At ding sabla turuanan na la ning Dios. Lalapit la kanaku ding sablang mekaramdam at mebiasa king turu na ning Ibpa.

Juan 7:17

Ninuman ing bisang tupad king kaburian ning Dios, abalu na nung ing kanakung tuturu ibat king Dios o nung aku maniabi ku king sarili kung kayupayan.

Juan 8:36

Nung ing Anak gawan na kayung malaya tune ping malaya kayu.

Roma 6:22

Oneng ngeni meging malaya na kayu king kasalanan at ipus na kayu ning Dios. Ing pakinabang yu ya ing pamibiebie a lubus makatalaga keya, at ing bunga na niti ya ing bie alang angga!

Roma 8:15

Uling ing Espiritu a binie na ning Dios kekayu e na kayu papalyarian ipus ba kayung pasibayung mangatmung takut; nune papalyarian na kayung maging anak na ning Dios. Potang ausan ta ya ing Dios: Tatang, Tatang ko!

Roma 8:2

Ing kautusan ning Espiritu a babie king bie a makayabe kang Cristo Jesus, leko na ku king kautusan ning kasalanan at kamatayan.

1 Corinto 7:22

Uling ing ipus a inaus na ning Ginu metung yang taung malaya na king Ginu; makanyan munaman king malayang lalaki a inaus nang Cristo, metung yang ipus na.

Galacia 5:1

Gewa na katamung malaya'ng Cristo at buri na ing manatili tamung malaya. Uli na niti, manatili kayu sanang malaya at e yu na paintulut ing ma-ipus kayu pang pasibayu.

Galacia 5:13

Kapatad ku, antimo ing balu yu na, king kalayaan karin kayu meyaus. Oneng e yu gagawan sangkan iting kalayaan ban pasakup kayu karing agkat na ning laman. Nune, pakikuanan yung ing lugud ya ing mutus kekayu king pamisusuyuanan yu.

2 Timoteo 3:7

Deti babai lang makiramdam kaninu man, oneng kapilan man e la miraras king katutuan.

Santiago 1:25

Oneng ninuman ing susuring masalese at manatiling tutupad king ganap a kautusan a babie kalayaan karing tau, at e nia kabud makiramdam at kaybat mangalinguan, ing taung anti kaniti ya ing bendisyunan na ning Dios king sablang dapat na.

Santiago 2:12

Inya mingat kayu king pamagsalita yu at dapat uling miyatulan kayu ketang kautusan a minie kalayaan kekayu.

1 Pedro 2:16

Mibiebie kayu bilang taung malaya; makanyan man e yu gagamitan ing kekayung kalayaan ban takpan ing nanumang e mayap a dapat, nune mibiebie kayu bilang talasuyu na ning Dios.

2 Juan 1:1

Ibat ya iting sulat king Matua. Miparala ya king kalugud-lugud a Ima at karing anak na a tune kung pakamalan. Aliwa mu aku ing malugud kekayu, nune pati na ding sablang makakilala king katutuan,