Juan 8:29 - Ing Mayap a Balita Biblia

²⁹ Kayabe ke ing mitubud kanaku; e na ku likuan dili-dili uling daraptan kung parati ing makaibie tula keya.

Juan 8:29 Iomraidhean Croise

Isaias 42:1

Nganang sasabi ning Ginu, Oyni ing kakung talasuyung kakung pasiknangan; ya ing kakung pinili at bina kung matula. Kitmuan ke king kakung upaya, at king balang bansa idala na ing hustisia.

Isaias 42:21

Ing Ginu Dios yang matulang magligtas, inya ding keyang kautusan at turu dininan na lang dangal, at buri na king kilalanan na la ning balen na.

Isaias 42:6

Aku, ing Ginu, ing minaus at minie upaya keka ban kekang pagsikapan king yatu matupad ing hustisia. Kapamilatan mu gawa kung kasunduan karing sablang tau; king kapamilatan mu karing bansa sala ibie ku.

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Mateo 3:15

Nganang mekibat Jesus kang Juan, Paburen mung makanyan ing malyari, uling iti ya ing kailangan malyari at sukat tang daptan ban matupad ing kaburian ning Dios. Panamdam nang Juan kaniti, menusig ya kang Jesus.

Mateo 3:17

Migsalita yang ibat banua ing metung a siwala ngana, Iti ya ing Anak kung pakamalan a tutu kung katulan.

Juan 14:31

oneng daratang ya ban akilala na ning yatu king kaluguran ke ing Ibpa at king daraptan ku ing yuyutus na kanaku. Talakad na kayu, tara na.

Juan 15:10

Nung tuparan yu la ding utus ku, manatili kayu king lugud ku, antimo nung makananu kung tutupad karing utus nang Ibpa ku at manatili ku king lugud na.

Juan 16:32

Daratang ing oras, at makaras na ing misalbag-salbag kayu; muli ya ing balang metung king sarili nang bale at lakuan yu kung magdili-dili. Oneng e ku tune magdili-dili uling kayabe ke ing Ibpa.

Juan 17:4

Pepaligayan da ka keti king yatu; inari ku ing obrang pepagawa mu kanaku.

Juan 4:34

Nganang Jesus, Ing pamangan ku ya ing pamintuan ku ing kaburian na nitang mitubud kanaku at arian ing obrang mibie kanaku.

Juan 5:30

Ala kung arapat king sarili kung kayupayan. Mamatul ku agpang king sasabian na ning Ibpa kanaku; inya matulid ing atul ku uling e ku pagnasan daptan ing sarili kung kaburian, nune ing kaburian na nitang mitubud kanaku.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

Juan 8:16

Agyang munie kung kayatulan, ing atul ku katutuan uling e mu akung dili ing mamatul, nune aku at ing Ibpang mitubud kanaku.

2 Timoteo 4:17

Oneng inantabayanan na ku at dininan sikanan ning Ginu ban apanaral kung ganap ing amanu na ning Dios karing paganu; miligtas ku king asbuk na ning leon.

2 Timoteo 4:22

Ing Ginu mantabe ya king kekang espiritu. Ing grasya na ning Dios mantabe kekayung sabla.

Hebreo 4:15

Ing kekatamung Pekapun ding Pari biasa yang makisanmetung a panamdam king kekatamung keinan. Uling dinalan ya naman king sablang kapagsubukan a kalupa na ning daralanan tamu agyamang e ya mikasala.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

1 Juan 2:1

Pakamalan kung anak, susulat ku iti kekayu ban e kayu mikasala. Nung ing ninuman mikasala ya, atin tamung talapamilatan king Ibpa. Ing talapamilatan ya i Jesu-Cristo, ing alang bakas kasalanan.

1 Juan 3:22

Tatanggapan tamu ing nanumang aduan tamu king Dios, uling pamintuan ta la ding utus na, at daraptan tamu itang babie tula keya.