Juan 8:26 - Ing Mayap a Balita Biblia

²⁶ Dakal ku sukat sabian at atulan tungkul kekayu. Oneng ing mitubud kanaku tutu ya at ing dimdam ku keya ya mu ing sasabian ku king yatu.

Juan 8:26 Iomraidhean Croise

Juan 15:15

E da na kayu ausan ipus, uling e na balu ning ipus ing daraptan na ning panginuan na. Inya inaus da kayung kakaluguran uling pepabalu ku kekayu ing sablang dimdam ku kang Ibpa ku.

Juan 16:12

Dakal ku pa buring sabian kekayu, oneng e yu pa agyung paki-intindian ngeni.

Juan 17:8

uling tiru ku la king amanung tinggap ku keka at tinggap da iti. Abalu ra king tune kung menibat keka at meniwala la king tinubud mu ku.

Juan 18:20

Mekibat ya i Jesus. Ngana, Hayagan kung migsalita karing sablang tau; parati kung tuturu kilub da ring sinagoga at kilub ning Templo nung nu la parating mititipun ding Judio. Ala kung sinabi nanuman king makasalikut.

Juan 3:11

Ing katutuan sasabian ku keka: sasabian mi itang balu mi at patutuan mi itang ikit mi. Makanyan man e yu tatanggapan ing pamipatutu mi.

Juan 7:16

Mekibat ya i Jesus, E kanaku ing tuturu ku, nune ibat king Dios a mitubud kanaku.

Juan 7:28

Inya king pamanuru nang Jesus kilub ning Templo matimid nang sinabi, Talaga kayang balu yu ko at balu yu nung nukarin ku menibat? E ku dinatang king sarili kung kaburian. Itang mitubud kanaku tutu ya; oneng e ye balu.

Juan 8:25

Inya kitang da kang Jesus, Ninu wari ika? Pekibat nang Jesus, Aku itang sinabi ku na kekayu manibat na king kapupurmeruan.

Juan 8:27

E ra aintindian king magsalita ya karela tungkul king Ibpa.

Juan 8:40

Oneng ngeni buri yu kung paten; akung taung maniabi kekayu king katutuan a dimdam ku king Dios. E anti kanyan ing depat nang Abraham!

2 Corinto 1:18

Nung makananung ing Dios tapat ya, makanyan munaman ing kanakung katapatan kekayu: ing Wa manatili yang Wa.