Juan 8:21 - Ing Mayap a Balita Biblia

²¹ Pasibayu nang sinabi karela, Mako ku at panintunan yu ku, oneng mate kayu king kekayung kasalanan. E kayu makapunta ketang nung nu ku munta.

Juan 8:21 Iomraidhean Croise

1 Ari 18:10

Balu na ning Ginung kekang Dios, king karing bansa at kayarian mitutubud yang tau ing kakung ari ban panintunan da ka, at pasumpan na la ring mamuntukan ban patunayan king e ra ka pin ikit.

Job 20:11

Itang sadia nang kayanakan at sikanan kayabe nang muli king alikabuk.

Ding Kasebian 11:7

Potang mamamate ya ing taung e mayap, kayabe nang mamate ing kapanayan na; mumuling alang kabaldugan ing asahan na king pibandian.

Ding Kasebian 14:32

Ing dapat ding taung e mayap ya ing pasari king karelang pangabagsak, oneng ding karing taung mayap ya ing malinis dang dapat.

Isaias 65:20

E na la mate ding anak a bingut at kumaba ya bie ing balang metung at metung agpang king sukad na ning bie na. Mibilang lang anting kayanakan pa detang miras king idad a dinalan a banua. Mangabaldugan king perusan ku la detang mete bayu ing idad a ita.

Mateo 23:39

Sasabian ku keka, e mu na ku akit pasibayu manibat ngeni anggang e mu sabian, Bendisyunan ne sa ning Dios ing daratang king lagyu ning Ginu.

Mateo 25:41

Kaybat sabian na karetang atyu king banda nang kayli, Dumayu kayu kanaku, ikayung misumpa! Munta kayu king alang anggang api a misadia para king diablo at karing anghel a kampun na!

Mateo 25:46

Inya munta la king alang anggang kaparusan, oneng ding taung makatuliran munta la king bie alang angga.

Juan 12:33

Sinabi na iti ban ipakilala na nung makananu deng ipapate.)

Juan 12:35

Nganang Jesus karela, Ditak nang panaun ing akayabe ye ing sala. Lumakad kayu kabang atyu kekayu ing sala, pota arakap na kayu ning dalumdum. E na balu ning lalakad king dalumdum nung nu ya pupunta.

Juan 13:33

Anak ko, ditak nang panaun ing akayabe yu ku. Panintunan yu ku oneng sabian ku kekayu ngeni itang sinabi ku karing Judio, E kayu makapunta king puntalan ku.

Juan 7:34

Panintunan yu ku oneng e yu ku akit; nung nu ku munta e kayu makapunta.

Juan 7:36

Nanu ing buri nang sabian king pamagsalita nang Panintunan yu ku, oneng e yu ku akit, at Nung nu ku munta e kayu makapunta?

Juan 8:24

Inya sinabi ku kekayu king mate kayu karing kasalanan yu. Talagang mate kayu karing kasalanan yu, nung e kayu maniwala king Aku pin Ya.

Efeso 2:1

King milabas a panaun mete kayu uli na ning kekayung kapanialangsangan at kasalanan.