Juan 8:15 - Ing Mayap a Balita Biblia

¹⁵ Mamatul kayu agpang king pamanatul tau; oneng aku ala kung atulan ninuman.

Juan 8:15 Iomraidhean Croise

Amos 5:7

Maging makalunus ing mapalyari kekayu uli na ning babaluktut yu ing hustisia at e yu babie ing katuliran a mangaintulid karing tau!

Amos 6:12

Makapulayi la wari ding kabayu libutad ding maragul a bato? Sasarulan de wari ding tau ing dagat karing baka ra? Makanyan man ikayu ikua yeng gewang lasun ing hustisia; ikua yeng gewang bukut ing matulid.

Habakuk 1:4

Maina ya at ala yang ulaga ing batas, at alang bitasang hustisia a miyabie. Mibababo la ring taung e mayap kesa karing mayap, inya kabaligtaran ing malilyari king hustisia.

Lucas 12:14

Pekibat na, Abe, ninu ing tinuldu kanaku ban maging ukum o ban pipartian ku kekayu ing kekayung mana?

Juan 12:47

Nung ating makiramdam karing amanu ku at e na la tutuparan, e ke atulan, uling e ku dinatang ban atulan ke ing yatu, nune ban iligtas ke.

Juan 18:36

Pekibat nang Jesus, E ya king yatu ing kanakung kayarian. Nung ing kayarian ku keti ya king yatu, makilaban la ding kanakung talasuyu ban e ku miyabie karing Judio. Oneng e ya king yatung iti ing kanakung kayarian!

Juan 3:17

Uling tinubud ne ning Dios ing Anak na king yatu e ban atulan ne at parusan ing yatu, nune ban miligtas ya ing yatu king kapamilatan na.

Juan 7:24

Tuknang kayung mamatul agpang mu king akakit yu, nune matul kayu ketang matulid.

Juan 8:11

Nganang mekibat, Ala pu, ginu. Nganang Jesus, Aku man, e ra ka atulan. Mako na ka at e na ka mikakasalang pasibayu.]

Roma 2:1

Inya, kakaluguran ku, ala yang bitasang matulid ing ninuman kekayu a matul karing aliwa. Uling king pamanatul mu karing aliwa atulan mu na pati na ing kekang sarili uling ing dapat mu alang pangayaliwa ketang dapat na.

1 Corinto 2:15

Balu nang atulan ning taung panuknanganan na ning Espiritu ing ulaga na ning sablang bage, oneng alang ninumang makapanatul keya.

2 Corinto 5:16

Uli na niti, ing paglalawe mi ngeni kaninuman e makatalakad king paniukad na ning tau. King milabas a panaun, makanyan ing panlalawe mi kang Cristo. Oneng ngeni e na makanyan.

Santiago 2:4

e kayu maging parehu lawe at maging talapanatul kayung ating e mayap a isip.

1 Samuel 16:7

Oneng ngana ning Ginu kang Samuel, E ka lalawe king sintingan o king katas na uling aliwa ya ing pinili ku. E na kalupa ning pamaglalawe na ning tau ing pamaglalawe ku. Lalawe ya mu ing tau ketang makalual king tau, oneng aku, ing Ginu, lalawe ku king pusu.