Juan 8:12 - Ing Mayap a Balita Biblia

¹² Pasibayu yang migsalita i Jesus karing Pariseo. Ngana, Aku ing sulu na ning yatu. E ya lumakad king dalumdum ing tutuki kanaku, nune mika sulu yang babie bie.

Juan 8:12 Iomraidhean Croise

Job 33:28

Sebat na ing pangabaldug ku king tuknangan da ring mete, at angga ngeni atin kung bie.

Ding Dalit 18:28

Ing Ginu a Dios ku ya'ng babie sala kaku; tatabi nang dalumdum a makapadurut kaku.

Ding Dalit 49:19

makanyan man potang mate ya ding makatua na akayabe na la; manatili ya kapilan man king karalumduman.

Ding Dalit 97:11

Saslag ing sala para karing banal, at ing tula karing mayap a pilubluban.

Isaias 49:6

Ngana kaku ning Ginu, Kakung talasuyu, atin kung mas maragul a paobra keka; e mu ing ibalik mu ing dangalan ding mitagan a memalen ning Israel, nune gawan da ka namang sulu para karing sablang bansa, ban ing mabilug a yatu miligtas ya.

Isaias 50:10

Ikong sablang ating takut king Ginu, at mamintu karing amanu ning keyang talasuyu, mapalyaring ing dalan a kekong daralanan tune yang madalumdum, makanyan man king Ginu yu ibili ing kekong kapanaligan; magtiwala kayu king kekong Dios.

Isaias 9:2

Menakit lang sulung maragul ding taung linakad king dalumdum. Menuknangan la king lugal a madalumdum, oneng ngeni ing sala saslag ya karela ngan.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Mateo 5:14

Ikayu ing sulu ning yatu. E ya malyaring isalikut ing balen a makatalakad king babo ning bunduk-bundukan.

Lucas 2:32

Metung a sala a pakilala king kekang dalan karing paganu, at munie dangalan king Israel a kekang balen.

Juan 12:35

Nganang Jesus karela, Ditak nang panaun ing akayabe ye ing sala. Lumakad kayu kabang atyu kekayu ing sala, pota arakap na kayu ning dalumdum. E na balu ning lalakad king dalumdum nung nu ya pupunta.

Juan 12:36

Kabang atyu kekayu ing sala, maniwala kayu king sala ban maging talatuki na kayu ning sala. Inyang asabi nang Jesus iti, meko ya at selikutan na la.

Juan 12:46

Dinatang ku keti king yatu antimong sala ban ding sablang maniwala kanaku e na la manatili king dalumdum.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 3:19

Ing kayatulan ya iti: dinatang ya ing sala keti king yatu, oneng aliwa ing sala ing liguran da ring tau, nune ing dalumdum uling e mayap ing dapat da.

Juan 7:17

Ninuman ing bisang tupad king kaburian ning Dios, abalu na nung ing kanakung tuturu ibat king Dios o nung aku maniabi ku king sarili kung kayupayan.

Juan 9:5

Kabang atyu ku king yatu, aku ing sulu ning yatu.

Ding Dapat 13:47

Uling ing kautusan a binie na ning Ginu kekami anti ya kanini: Binili da kayung bilang sulu karing paganu ban maging dalan na ning pangakabus ning mabilug a yatu.

Ding Dapat 26:23

king ing Cristo sukat yang dumalan kasakitan at ya ing maging peka mumuna karing mipasublian mie ban ihayag na ing sala na ning kaligtasan karing Judio at karing paganu.

2 Pedro 2:17

Mengari lang sibul a kinati ding taung anti kareti at ulap a papawi na ning angin a masikan; para karela sidia na ne ning Dios ing kalalalaman a lugal a madalumdum.

2 Pedro 2:4

E na la penupaya ning Dios ding anghel a mikasala; kilung na la king impierno at panenayan da karin king karalumduman ing Aldo ning Pamanukum.

1 Juan 1:6

Nung sasabian tamung atin tamung pamakiabe keya, oneng mabibie ta naman king karalumduman, maglaram tamu at e tamu mabibie king katutuan.

Judas 1:13

Mengari lang bibiung a alun king dagat kayabe ning keyalan dang kamarinayan a maging bula. Mengari lang batuin a lito-lito a misadia king karalumduman king kapilan pa man.

Judas 1:6

E yu la naman kakalinguan ding anghel a e meningat king karelang sariling katungkulan; likuan da ing mayap dang kabilian. Sinukul na la ning Dios deti king kalalaman na ning karalumduman angga king datang ing maragul nang Aldo ning Pamanukum.

Kapahayagan 21:24

Lalakad la ding sablang tau king aslag na at karin da idala ding ari na ning yatu ing karelang pibandian.