Juan 7:6 - Ing Mayap a Balita Biblia

⁶ Nganang Jesus karela, E pa dinatang ing panaun ku, oneng ing panaun yu e mamako.

Juan 7:6 Iomraidhean Croise

Ding Dalit 102:13

Talakad ka at lunusan me ing Zion; oras na ban keka yang lunusan; ing takdang panaun miras na ban keka yang sakluluan.

Mateo 26:18

Nganang mekibat karela, Puntalan ye itang metung a tau king siudad, at sabian yu keya, Ing Maestro sasabian na: ing oras ku miras na. Buri kung pagselebran ing Pamaglagpus king bale mu a kayabe ding alagad ku.

Juan 13:1

Bespera na kanita ning Piesta ning Pamaglagpus. Balu nang Jesus king dinatang na ing oras na ban mako ya keti king yatu at mibalik ne king Ibpa. Kaluguran na la ding bandi na a atyu king yatu at liguran na la angga king kawakasan.

Juan 17:1

Inyang asabi na la deting amanu tinalanga ya banua i Jesus at ngana, Ibpa, dinatang na ing oras; paligayan me ing Anak mu ban apaligayan na ka ning Anak.

Juan 2:4

Nganang mekibat Jesus, Babae, paburen mu, ing oras ku e pa dinatang.

Juan 7:30

Uli na niti, buri deng dakpan; oneng alang dinakap keya uling e pa miras ing oras na.

Juan 7:8

Ikayu na mung makipamiesta. E ku tumagun uling e pa panaun ban kimut ku.

Juan 8:20

Sinabi na lang deting amanu Jesus king lugal a pibaldugan ain kabang tuturu ya king Templo. Oneng alang dinakap kang Jesus uling e pa dinatang ing oras na.

Ding Dapat 1:7

Pekibat nang Jesus karela, Ing kayupayan nang Ibpa ku ya ing mitutuldu karing panaun at karing aldo, at e mangaintulid kekayu ing pakibaluan pa nung kapilan la datang.