Juan 7:51 - Ing Mayap a Balita Biblia

⁵¹ Ngana, Agpang king Kautusan tamu, e ta ya sukat atulan ing metung a tau anggang e tamu pekiramdaman at abalu ing depat na.

Juan 7:51 Iomraidhean Croise

Exodo 23:1

E yu kakalat ing e tutung balita. E ye kakampian ing taung mikasala king kapamilatan ning pamagtestigu yung alang katutuan.

Ding Kasebian 18:13

Makiramdam ka bayu ka salabat at makibat. Mangmang ka at maniugat kapanamdaman, nung iti e mu daptan.

Ding Bilang 35:30

Sukat yang paten ing ninumang mekamate kalupa nang tau, agpang king patutu da ring aduang testigu. E ya sukat mate, nung metung ya mu ing magtestigu.

Ding Dapat 23:3

Nganang Pablo, Ing Dios ya ing bala keka; ikang mengaring pader a pininturan maputi. Kunwari makalukluk ka ken para ukuman mu ku agpang king Kautusan, oneng ika kabud ing lalabag king Kautusan king pamanutus mung panasakitan da ku!

Deuteronomio 1:17

E la sana mangabiran kenu man king karelang pamanatul; parehu la sana lawe karing malati't maragul at e mitatakutan kenu mang tau, uling ing karelang kayatulan manibat king Dios. Nung mabayat yang lutasan ing problema, idala re kanaku at aku ing lumutas.

Deuteronomio 17:6

Sukat manalumpakan ing atul kamatayan king patutu da ring adua o atlung testigu. E sukat miyatulan kamatayan ing ninuman, nung metung ya mu ing migtestigu.