Juan 7:42 - Ing Mayap a Balita Biblia

⁴² Sasabian na ning kasulatan king ing Cristo manibatan ya king lahi nang David at manibatan ya Betlehem, ing balen nung nu ya menuknangan i David.

Juan 7:42 Iomraidhean Croise

1 Cronica 2:51

I Salma, ing kapatad nang Hur, ya i tata nang Betlehem. I Haref, ing kapatad da ri Hur at Salma, ya i tata nang Betgader.

Ding Dalit 132:11

Kang David tapat mung pengaku, at e mu painggulutan ing binie mung amanu. Ngamu, Ing metung karing anak mu maging ari ya, at ya ing manalili keka.

Ding Dalit 89:4

king ing lahi na kaku yang papanatilian ari kapilan man, at ing kayarian na e ya miwakasan.

Isaias 11:1

Mengari ya king tanaman a mekutud ing pamidalandalan da ring ari king lahi nang David; nung makananu lang lalto ding suli king pun a mitagan, makanyan yang lunto ing metung a bayung ari a ibat karing lahi nang David.

Jeremias 23:5

Ngana ning Ginu, Datang mu rin ing aldo nung kapilan mamili kung metung a ari a ibat king lahi nang David at maging ari yang kalupa na. Manibala yang mitmung kabiasnan at daptan na ing mayap at ing matulid king kabilugan a kayarian.

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Mateo 1:1

Iti ya ing listahan a piakitan karing makatua nang Jesu-Cristo a menibat king lahi nang David a lahi nang Abraham.

Mateo 2:5

Ngarang mekibat, King Betlehem, Judea uling sinulat na pu ning propeta:

Mateo 2:6

Ika, Betlehem, king sakup nang Juda, e ka mitauli king makananu pa man karing manimuna nang balen ning Juda; uling keka ya manibatan ing metung a pamuntuk a manibala king balen kung Israel.

Lucas 2:11

Uling king benging iti king balen nang David mibait ya ing kekayung Talapagligtas, ing Cristo a Ginu.

Lucas 2:4

Manibat Nazaret, Galilea, minta ya i Jose king Betlehem, Judea, ing balen a beitan nang David, uling ibat ya i Jose king lahi nang David.

Juan 7:27

Alang makibalu metung man king lugal a panibatan na potang datang ya ing Cristo; oneng balu tamu nung nukarin ya ibat ing taung iti.

1 Samuel 16:1

Ngana ning Ginu kang Samuel, Angga kapilan me tangisan i Saul ngening ikit mung leko ku na ing panga-ari na king Israel? Katmuan meng laru ing kekang lulanan at puntalan me i Jese ning Betlehem uling pinili ke ing metung karing anak na ban maging ari.

1 Samuel 16:18

Ngana ning metung a baintau, Atin kung kakilalang metung a biasang manigtigan; anak neng Jese a tau Betlehem. Matapang ya at sane king pamakilaban; biasa yang magsalita at masanting yang lalaki. Maygit king sabla, kalugud-lugud ya arapan na ning Ginu.

1 Samuel 16:4

Tiparan nang Samuel itang parapat na ning Ginu at minta ya Betlehem. Inyang miras ya Betlehem seganan de ring makatua na ning siudad. Mitakutan la deti at ngarang kinutang, Mayap namu dinatang kayu?

1 Samuel 17:58

Nganang Saul kang David, Kayanakan, kenu ka anak? Pekibat nang David, Anak na ku pu ning talasuyu yung i Jese ning Betlehem.