Juan 7:32 - Ing Mayap a Balita Biblia

³² Dimdam da ring Pariseo ing babalita da ring tau tungkul kang Jesus, at ding pamuntuk da ring pari, at ding Pariseo mitubud lang guardia ba reng dakpan.

Juan 7:32 Iomraidhean Croise

Mateo 12:14

Meko la kanita ding Pariseo at pisabisabi ra nung makananu reng apapate i Jesus.

Mateo 23:13

Makalunus na kayo, ikayung talaturu ning Kautusan at Pariseo! Hipokrita! Sasara ye ing pasbul ning Kayarian ning Banua karing tau. E na kayu bisang lungub, makanyan man sasabatan yu la pa ding taung bisang lungub! [

Mateo 26:58

Makataluki ya i Pedro. Tikian ne king makarayu angga king patyu na ning bale ning Pekapun ding Pari. Sinalangi ya king patyu at mekiluklukan ya karing bante ba nang akit nung nanu ing malyari.

Juan 11:46

Oneng minta la ding mapilan karela karing Pariseo at belita ra ing depat nang Jesus.

Juan 12:19

Inya ngara ding Pariseo king metung at metung, Lawan yu, ala tamung akarapat! Tutukian de ring sablang tau!

Juan 18:3

Minta ya karin i Judas; kayabe ne ing metung a grupu da ring sundalus at ding mapilan a guardia na ning Templo a peparala da ring pamuntuk ding pari at ding Pariseo. Magdala lang sulu, sulugi at sandata.

Juan 7:30

Uli na niti, buri deng dakpan; oneng alang dinakap keya uling e pa miras ing oras na.

Ding Dapat 5:26

Inya meko ya ing kapitan at ding tauan na at dela da lang mibalik ding apostol. Makanyan man, e la ginamit nanumang puersa uling tatakut la pota ding tau pamasibasan da la.

1 Samuel 19:20

Inya mitubud yang tauan na ban dakpan de i David. Ikit da la ring tiburan nang Saul ding propeta; panimunan na lang Samuel. Kukulisak la reti at teterak. Liban na la ning espiritu na ning Dios ding tiburan nang Saul at mekiabe la kareting propeta.