Juan 7:31 - Ing Mayap a Balita Biblia

³¹ Makanyan man dakal la karing tau ding meniwala kang Jesus at ngarang sinabi, Potang datang ne ing Cristo, gawa ya kayang dakal pang milagru kesa karing gewa na ning taung iti?

Juan 7:31 Iomraidhean Croise

Mateo 12:23

Mengapamulala la ding dakal a tau at ngarang kukutang, Ya na kaya iti ing Anak nang David?

Lucas 8:13

Ding bining digpa king gabun a mabatu ila naman detang dinamdam king amanu at tinggap dang matula. Oneng e tinaglus king pusu ra. Meniwala la sinaguli, oneng painggulut la potang daratang ing kapagsubukan.

Juan 11:45

Uli na niti, meniwala la kang Jesus ding keraklan karing Judiong dinalo kang Maria at menakit king depat na.

Juan 12:11

uling king uli na dakal la ding Judiong kakawani karela at maniwala kang Jesus.

Juan 12:42

Makanyan man, agyang karing pamuntuk da ring Judio dakal la ding meniwala kang Jesus. Oneng e ra pepaulata ing pamaniwala ra uli na ning takut da karing Pariseo, pota itiwalag da la king sinagoga.

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 3:2

Misan a bengi, iting lalaki minta ya kang Jesus. Ngana kang Jesus, Maestro, balu mi king metung kang talaturu a menibat king Dios, uling alang makagawa karing milagrung daraptan mu subali mu nung mamantabe ya keya ing Dios.

Juan 4:29

Tara at lawan ye ing lalaking sinabi kanaku king sablang depat ku. Ya na kaya ing Cristo?

Juan 4:39

Dakal lang Samaritano king balen a ita ding meniwala kang Jesus uli na ning patutu ning babai: Sinabi na la kanaku ding sablang bage depat ku.

Juan 6:2

Tikian de ring dakal a tau uling ikit da la ring milagrung depat na king pamanulu karing masakit.

Juan 7:26

Pagumasdan ye, magsalita yang hayagan at ala lang asabi laban keya! Pota galang balu ra na ding pamuntuk king ya ing Cristo?

Juan 9:16

Ngara ding mapilan a Pariseo, E ya king Dios ing taung ita uling e ya tutupad king Aldo ning Sabbath. Oneng sinabi da ring mapilan, Makananu yang makarapat ing taung makasalanan karing anti kareting milagru? Milaban-laban ing sasabian da.

Ding Dapat 8:13

I Simon mismu meniwala ya at kaybat nang mebinyag parati yang tutuki kang Felipe, at mengapamulala ya inyang ikit na la ding mangangaragul a milagru at makapagmulalang bage a mangarapat.

Santiago 2:26

Inya, nung makananung ing katawan a makakawani king espiritu, katawan yang mete, makanyan munaman, ing kasalpantayanan a makakawani king dapat a mayap, kasalpantayanan yang mete.