Juan 7:27 - Ing Mayap a Balita Biblia

²⁷ Alang makibalu metung man king lugal a panibatan na potang datang ya ing Cristo; oneng balu tamu nung nukarin ya ibat ing taung iti.

Juan 7:27 Iomraidhean Croise

Isaias 11:1

Mengari ya king tanaman a mekutud ing pamidalandalan da ring ari king lahi nang David; nung makananu lang lalto ding suli king pun a mitagan, makanyan yang lunto ing metung a bayung ari a ibat karing lahi nang David.

Isaias 53:8

Dekap de at sinintensia at kaybat liwal ban patayan; ala metung mang mekialam king meging keyang kapalaran. Pete re alang-alang king kasalanan ding kekatamung memalen.

Jeremias 23:5

Ngana ning Ginu, Datang mu rin ing aldo nung kapilan mamili kung metung a ari a ibat king lahi nang David at maging ari yang kalupa na. Manibala yang mitmung kabiasnan at daptan na ing mayap at ing matulid king kabilugan a kayarian.

Jeremias 30:21

Ing manimuna da manibatan ya king mismung bansa da, at karing kabalen da ing prinsipi ra. Potang agkatan ke, lumapit ya; ninu wari ing mangangas datang nung e ya mekumbira?

Mikeas 5:2

Nganang sasabi ning Ginu, Betlehem Efrata, metung ka karing malating diling balen na ning Juda, oneng keka ya lunto ing metung a manimuna para king Israel. Malyaring akit me ing pamilya na king metung a pamilyang atyu na kanita pang minumang panaun.

Marcos 6:3

E wari ya ing kalpinterung anak nang Maria, at kapatad da ri Santiago, Jose, Judas, at Simon? At ding kapatad nang babai e ta la wari kayabe-abe keti? At e la meniwala kang Jesus.

Lucas 4:22

Ikua na la ngan kapanamdaman at pigmulalan da ing sintingan na ning sinabi na. Ngara, Aliwa wari iti ing anak nang Jose?

Juan 6:42

Sinabi ra, Aliwa iti i Jesus a anak nang Jose? Kakilala ta ya i tata na at ima na! Makananu nang asabing tinipa yang ibat banua?

Juan 7:15

Pigmulalan da iti ding pamuntuk da ring Judio. Ngarang sinabi, Makananu yang mebiasa ing taung iti kabang e ne man megaral?

Juan 9:29

Balu mi king migsalita ya ing Dios kang Moises, oneng tungkul king taung iti, e mi man balu nung nu ya ibat!

Ding Dapat 8:33

Meinsultu ya at alang migdipensa para keya. Alang supling nang malyaring pisabian da, uling ing bie na keti sulip miwakasan na.