Juan 7:19 - Ing Mayap a Balita Biblia

¹⁹ Aliwa wari i Moises ing minie kekayu king Kautusan? Makanyan man ala metung man kekayu ing tutupad king Kautusan. Obat buri yu kung paten?

Juan 7:19 Iomraidhean Croise

Mateo 12:14

Meko la kanita ding Pariseo at pisabisabi ra nung makananu reng apapate i Jesus.

Mateo 21:38

Oneng inyang ikit de ring kasamak ing anak, ngarang misabisabi, Iti ya ing talapagmana na ning pakisamakan tamu. Tara, paten ta ya ban akua tamu ing bandi na!

Marcos 11:18

Dimdam da iti ding pamuntuk da ring pari at ding talaturu ning Kautusan. Inya megumpisa lang menintun paralan ban apapate re i Jesus. Tatakut la kang Jesus uling mangapamulala la ding dakal a tau king turu na.

Marcos 3:4

Kaybat, kitnan na la ding tau, Paintulut na ning kekatamung Kautusan ing dapat mayap o ing dapat e mayap king Aldo ning Sabbath? Ing sagip bie o ing makamate? Oneng e la mekibat.

Marcos 3:6

Meko la ding Pariseo at mekikit la karing tauan nang Herodes; pisabisabi ra kanita mu rin nung makananu reng apapate i Jesus.

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Juan 10:39

At pasibayu deng pekikuanan dakpan i Jesus, oneng ikua na lang apangilagan.

Juan 11:53

Inya manibat king aldong ita minisip na lang paralan ban apapate re i Jesus.

Juan 5:16

Uli na niti, pegumpisan deng ligalig ding Judio i Jesus uling depat na iti king Aldo ning Sabbath.

Juan 5:18

Inya lalu reng pigkapilitan paten ding Judio uling e mu ing lebagan ne ing Aldo ning Sabbath, nune ausan ne pang Ibpa na ing Dios. Nanupata, makipante ya king Dios.

Juan 5:45

E yu isipan king aku ing mandalum kekayu king Ibpa. I Moises a panaligan yu ya ing mandalum kekayu.

Juan 7:1

Kaybat na nita, miglakbe ya i Jesus king Galilea. E ya bisang maglakad king Judea uling buri deng paten ding Judio.

Juan 7:25

Ngarang migsalita ding mapilan a tau Jerusalem, Aliwa iti ing taung buri dang paten?

Ding Dapat 7:38

Ya naman itang minantabe karing Israelita a mitipun king disyerto; atyu karin kayabe da ring kekatamung makatua, at itang anghel a migsalita keya keta king Bunduk ning Sinai; tinggap na ing mabie nang amanu ning Dios ban ipayabut na angga kekatamu.

Galacia 3:19

Nung makanyan, nanu ya parasan ing Kautusan? Miragdag ya bandang tauli ban mipakilala mu nung nanu ing pamaglabag, at miyabie ya samantalang e ya pa lalto itang lahi nang Abraham a nung kenu ya mangaintulid ing pangaku. Miyabie ya ing Kautusan ibat king gamat da ring anghel kayabe na ning saup ning metung a taung memilatan.

Galacia 6:13

Agyang ding mismung tatanggap pangasirkunsiyun e la tutupad king Kautusan. Buri da mung apagmaragul king ikayu man apatukian da kayu king anti kaniting seremonia, inya makanyan da kayung pipilitan.

Deuteronomio 1:17

E la sana mangabiran kenu man king karelang pamanatul; parehu la sana lawe karing malati't maragul at e mitatakutan kenu mang tau, uling ing karelang kayatulan manibat king Dios. Nung mabayat yang lutasan ing problema, idala re kanaku at aku ing lumutas.

Deuteronomio 33:4

Ding Kautusan a miyabie king kapamilatan nang Moises, kekami lang pemintuan; ila ding peka mal nang pibandian ning bansang Israel.