Juan 7:18 - Ing Mayap a Balita Biblia

¹⁸ Buri na ning maniabi king sarili nang kayupayan ing miparangalan ya ing sarili na. Oneng ing manintun king dangalan na ning mitubud keya tapat ya at alang kalaraman keya.

Juan 7:18 Iomraidhean Croise

Ding Kasebian 25:27

E mayap ing lalabis a pulut-panilan, makanyan munaman ing magimbut king labis-labis a kapurian.

Ding Bilang 11:29

Nganang Moises, Pigaganakan mu ing mabawas ku dangalan? Nung malyari mu sana midinan la king espiritu ding sablang Israelita ban magsalita lang anting propeta!

Mateo 6:9

Manalangin kayung anti kanini: Ibpa ming atyu banua, samban ya sa ing lagyu mu;

Juan 11:4

Inyang tinggap nang Jesus iting balita, sinabi na, E na ikamate iting sakit; nune milyari iti para king ikaligaya na ning Dios ban mipaligayan ya ing Anak ning Dios king kapamilatan na niti.

Juan 12:28

Ibpa, parangalan me ing lagyu mu. Kanita ing metung a siwalang ibat banua sinabi na, Peparangalan ku ne at parangalan ke pang pasibayu.

Juan 12:43

Buri da pa ing kapurian a ibat karing tau kesa king kapurian a ibat king Dios.

Juan 5:41

Aliwa ing kapurian da ring tau ing pagnasan ku.

Juan 8:54

Pekibat nang Jesus, Nung parangalan ku ing sarili ku iti alang kabaldugan. Ing Ibpa ku ya ing parangal kanaku. Ya ing amanuan yung Dios yu.

1 Tesalonica 2:6

E mi pagnasan ing purian yu kami o ning ninuman,

1 Pedro 4:11

Ninuman ing talapanaral, sukat nang ipanaral ing amanu na ning Dios, ninuman ing susuyu, sukat yang sumuyung kayabe ning mabilug a sikanan a babie ning Dios. Kanita king sabla-sabla, miyabie ing kapurian king Dios king kapamilatan nang Jesu-Cristo nung kenu mangaintulid king ligaya, at ing upaya angga king kapilan pa man! Amen.

1 Juan 2:29

Nung balu yu king i Cristo banal ya, sukat yu namang abalu king ing balang darapat kabanalan anak ne ning Dios.