Juan 7:17 - Ing Mayap a Balita Biblia

¹⁷ Ninuman ing bisang tupad king kaburian ning Dios, abalu na nung ing kanakung tuturu ibat king Dios o nung aku maniabi ku king sarili kung kayupayan.

Juan 7:17 Iomraidhean Croise

Ding Dalit 119:10

Pagkapilitan da kang suyuan king mabilug kung pusu; e mu paintulut ing kaku lang labagan ding kekang kautusan.

Ding Dalit 25:12

Ing ninuman king Ginu tatakut at gagalang, abalu re ing dalan a sukat dang dalanan.

Ding Dalit 25:14

Kakaluguran na la ning Ginu ding mamintu karing utus na, at karela pabalu nang kasunduan na.

Ding Kasebian 28:5

E ra aintindian ding taung e mayap ing hustisia, oneng aintindian deng lubusan detang king Ginu sasamba.

Ding Kasebian 3:32

Uling masusumami ya ing Ginu king taung e mayap, oneng tutula ya king taung matulid a dapat.

Isaias 35:8

Mika malualas a dalan karin a mayaus Ing Dalan ning Kabanalan. E makadalan karin ing ninumang makasalanan ni makapaglinlang ding mangmang karing daralan.

Daniel 12:10

Dakal la ding taung maging puru. E la makaintindi detang e mayap, nune isundu ra ing e mayap dang gagawan. Deta mung biasa ilang bukud makaintindi.

Hosea 6:3

Magkapilit tamung abalu ta ya. Siguradu yang datang kekatamu antimo nung makananu yang daratang ing abak. Datang ya kekatamu anti ing uran a didilig king yatu king panaun ning kauran.

Mikeas 4:2

at ding karelang memalen sabian da, Tara mukiat tamu king bunduk ning Ginu, king Templo ning Dios ning Israel. Ituru na kekatamu nung nanu ing buri nang daptan tamu; lumakad tamu karing dalan a pinili na. Ing tuturu ning Ginu manibatan Jerusalem; manibat king Zion magsalita ya karing taung pinili na.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Mateo 6:22

Ding mata ila ding peka sulu ning katawan. Inya nung malino la ding kekang mata, mirinan yang sala ing mabilug mung katawan.

Lucas 8:15

Ing bining digpa king gabun a mataba mangaintulid ya karetang dinamdam king amanu at sininup da iti kilub ning pusung mayap at mapamintu; iti menatili angga na inyang mika bunga.

Juan 3:21

Oneng lalapit ya king sala ing darapat king katutuan ban masalang mayakit king ding dapat na daraptan na la agpang king kaburian ning Dios.

Juan 8:43

Baket e yu aintindian ing sasabian ku? Uling e yu atanggap ing sasabian ku.

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

Juan 8:47

Ing menibat king Dios makiramdam ya karing amanu na ning Dios. Oneng e kayu ibat king Dios inya e kayu bisang makiramdam.

Ding Dapat 17:11

Mas mayap la pilubluban ding tau karin kesa karing tau Tesalonica. Matingid lang mekiramdam king penaral nang Pablo. Pagaralan da la aldo-aldo ding Kasulatan ba rang akit nung tutu pin ing sinabi nang Pablo.