Juan 7:12 - Ing Mayap a Balita Biblia

¹² At misisitsitan la ding dakal a tau tungkul kang Jesus. Ngara ding aliwa, Mayap yang tau. Ali ya, uling lilili na la deng tau, ngara naman ding aliwa pa.

Juan 7:12 Iomraidhean Croise

Mateo 10:25

Inya makagyu ne king magaral ketang maging kalupa ne ning talaturu na, at maging kalupa ne ning ipus ing panginuan na. Nung ausan deng Beelzebul ing buntuk ning pamilya, lalung marok ing iyaus da karing miembru ning pamilya na!

Mateo 21:46

Buri deng iparakap, oneng tatakut la karing tau uling kikilalanan deng metung a propeta i Jesus.

Mateo 27:63

at ngara, Ginung Gobernador, atatandanan mi pu ing sinabi na nitang mapaglinlang a ita kanitang mabie ya. Sinabi na king subli yang mie kaybat da ring atlung aldo.

Lucas 18:19

Pekibat nang Jesus, Baket ausan mu kung mayap? Alang mayap nune mu ing Dios.

Lucas 23:47

Inyang ikit ning kapitan da ring sundalus ing milyari, pinuri ne ing Dios. Ngana, Tune ya ping alang kasalanan iting tau!

Lucas 23:50

Ating metung a lalaking milagyuan Jose, tau ya Arimatea, ing metung karing balen da ring Judio. Mayap ya at gagalangan de ring tau; kabilang ya karetang manaya king pamaniatang na ning Kayarian ning Dios. Agyamang miembru ne ning Sanhedrin, e ya nayun king desisyun da at depat kang Jesus.

Lucas 6:45

Papalto yang kayapan ing mayap a tau ibat king mayap a makalaman king pusu na, at papalto yang e mayap ing e mayap a tau ibat king marawak a makalaman king pusu na. Uling magsalita ya ing tau ketang makalaman king pusu na.

Lucas 7:16

Mitakutan la ding sabla at pinuri de ing Dios. Ngara, Linto ya libutad tamu ing metung a maragul a propeta! Dinatang ya ing Dios ba neng iligtas ing balen na!

Juan 6:14

Ngarang sinabi inyang ikit da ring tau ing milagrung depat na, Tune pin ya ing Propeta a datang keti king yatu!

Juan 7:32

Dimdam da ring Pariseo ing babalita da ring tau tungkul kang Jesus, at ding pamuntuk da ring pari, at ding Pariseo mitubud lang guardia ba reng dakpan.

Juan 7:47

Kitang da ring Pariseo karela, Ikayu man alinlang na na kayo?

Juan 7:52

Pekibat da kang Nicodemo, Ika man tau ka Galilea? Pagaralan me ing Kasulatan at akit mu king alang lunto propeta a tau Galilea.

Juan 9:16

Ngara ding mapilan a Pariseo, E ya king Dios ing taung ita uling e ya tutupad king Aldo ning Sabbath. Oneng sinabi da ring mapilan, Makananu yang makarapat ing taung makasalanan karing anti kareting milagru? Milaban-laban ing sasabian da.

Ding Dapat 11:24

Metung yang mayap a tau i Bernabe; kitmuan ya king Banal a Espiritu at matibe ya kasalpantayanan, at dakal lang tutu ding taung milapit king Ginu.

Roma 5:7

E mayan king ninuman ing paimate ya alang-alang king metung a taung makatuliran. Mekad para king metung a taung mayap ating bisang paisubu agyang king kamatayan.

Filipos 2:14

Daptan yung alang tutul ing sabla o alang pamitua