Juan 7:1 - Ing Mayap a Balita Biblia

¹ Kaybat na nita, miglakbe ya i Jesus king Galilea. E ya bisang maglakad king Judea uling buri deng paten ding Judio.

Juan 7:1 Iomraidhean Croise

Mateo 10:23

At potang ligaligan da kayu king metung a balen, lumipat kayu king tutuking balen. Sasabian ku kekayu, e yu la akuang alaganasan king obra yu ding sablang balen ning Israel bayu ya datang ing Anak ning Tau.

Mateo 21:38

Oneng inyang ikit de ring kasamak ing anak, ngarang misabisabi, Iti ya ing talapagmana na ning pakisamakan tamu. Tara, paten ta ya ban akua tamu ing bandi na!

Marcos 11:18

Dimdam da iti ding pamuntuk da ring pari at ding talaturu ning Kautusan. Inya megumpisa lang menintun paralan ban apapate re i Jesus. Tatakut la kang Jesus uling mangapamulala la ding dakal a tau king turu na.

Juan 1:19

Iti ing patutu nang Juan kanitang mitubud lang pari at Levita ding Judio ning Jerusalem ban ikutang da keya: Ninu ika?

Juan 4:3

Inyang abalu na iting Jesus, meko ya Judea at mibalik ya Galilea.

Juan 4:54

Iti ya ing kaduang milagrung depat nang Jesus inyang dinatang ya Galilea ibat Judea.

Juan 6:1

Kaybat na nita, dinalakit ya i Jesus king kangatba na ning Dagat-dagatan ning Galilea (o Dagat-dagatan ning Tiberias).

Juan 7:11

Panintunan de ring pamuntuk da ring Judio king piesta. Ngarang mengutang, Nu ya karin?

Juan 7:13

Oneng alang migsalitang hayagan tungkul kang Jesus uli na ning takut da karing pamuntuk da ring Judio.

Juan 7:19

Aliwa wari i Moises ing minie kekayu king Kautusan? Makanyan man ala metung man kekayu ing tutupad king Kautusan. Obat buri yu kung paten?

Juan 7:25

Ngarang migsalita ding mapilan a tau Jerusalem, Aliwa iti ing taung buri dang paten?

Juan 7:35

Ngarang misabisabi ding pamuntuk da ring Judio, Nukarin ya kaya munta? Obat e ta ya malyaring akit? Munta ya kaya karing Judio a manuknangan karing siudad da ring Griego? Turu ya kaya karing Griego?

Juan 8:37

Balu ku king lahi na kayung Abraham; makanyan man buri yu kung paten uling alang lugal ing tuturu ku karing pusu yu.

Juan 8:40

Oneng ngeni buri yu kung paten; akung taung maniabi kekayu king katutuan a dimdam ku king Dios. E anti kanyan ing depat nang Abraham!

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.