Juan 6:9 - Ing Mayap a Balita Biblia

⁹ Ating metung a anak a lalaki keti a migbakal limang tinape sebada at aduang asan. Nu na la anti deti para kareting dakal a tau?

Juan 6:9 Iomraidhean Croise

1 Ari 4:28

Ding magrasyun munamang sebada at are para karing kabayung sasaken na at pangkarwahe ila naman deting mesabing gobernador. Darala ra nu man karin mayawad idala ra.

2 Ari 7:1

Nganang mekibat Eliseo, Pakiramdaman mu ing sasabian na ning Ginu. Oyni ing pasabi na, Bukas, king anti kaniting oras, ketang pasbul dalan ning siudad ning Samaria makasali kang metung a takal a arina o aduang takal a sebada king alagang metung a pirasung pilak.

Ding Dalit 147:14

Ya ing babie kapayapan karing kekang angganan, at king mayap diling trigu karin na ka pakabsian.

Ding Dalit 78:19

Angga king ing Dios lepastangan de pa. Ngara, Agyu na kata waring pakanan keting ilang; keti king disyerto, nanung malyari nang ayampang?

Ding Dalit 78:41

Ing Dios ulit-ulit deng paniubukan, at ing Banal ning Israel karela yang pepalungkutan.

Ding Dalit 81:16

Oneng ing Israel pakanan ke king masanting diling trigu, at pakabsian king pulut-panilan.

Ezekiel 27:17

Beyaran na ning Juda at ning Israel ing kekang paninda king trigu, pulut-panilan, larung olibo, at balsamu.

Mateo 14:17

Ngarang sinabi, Lima la mung tinape at aduang asan ding darala mi.

Mateo 16:9

Angga ngeni e kayu pa makaintinde? E yu la atatandanan ding limang tinape a pengan da ring limang libu katau? At nung pilan lang kaing ding akatmu yu karing mitagan?

Marcos 6:38

Ngana namang kinutang Jesus karela, Pilan la wari ding tinape bekalan yu? Lawan yu na mo. Linawe ra at ngarang mekibat, Lima la mu at aduang asan.

Marcos 8:19

kanitang pemirasu ku la ding limang tinape para karing limang libu katau? Pilan lang kaing a mitmu ding atipun yu karing tagan? Labi lang adua, ngarang mekibat.

Lucas 9:13

Oneng nganang Jesus karela, Ikayu mismu dinan yu lang apangan da. Ngarang mekibat, Lima la mung tinape at aduang asan ding bakal mi. Buri mung mako kami ban saling pamangan para karing dakal a taung dete?

Juan 11:21

Nganang Marta kang Jesus, Ginu, nung atyu ka keti e ya sana mete ing kapatad ku!

Juan 11:32

Miras ya king lugal nung nu ya karin i Jesus. Panakit na kang Jesus siniklaud ya i Maria king arap na at ngana, Ginu, nung atyu ka keti e sana mete ing kapatad ku!

Juan 21:10

Nganang Jesus karela, Magdala kayung mapilan keni karing asan a arakap yu.

Juan 21:13

Linapit ya i Jesus at kinua ne ing tinape at binie ne karela at antimu rin ding asan.

Juan 21:9

Kasaka da king pampang menakit lang uling a mibabaya at asan a makaderang ampon tinape.

Juan 6:11

Kinua na lang Jesus ding tinape at inyang mekapasalamat ne king Dios, pemie na la karing pakalukluk. Makanyan munaman ing gewa na karing asan. Mirinan la ngan ding tau anggang bisa la.

Juan 6:7

Nganang mekibat Felipe, E la managyung panialing tinape ding aduang dalan a salaping pilak ban makapangan ya ing balang metung agyang ditak mu.

2 Corinto 8:9

Balu yu nung nu anti karagul ing lugud na kekatamu ning Ginu tamung Jesu-Cristo. Agyamang mabandi ya, meging pakakalulu ya alang-alang kekayu ban mibandi kayu king kapamilatan na ning kakaluluan na.

Deuteronomio 32:14

Kesu at gatas ing akua ra karing baka at kambing, karni at taba karing tupa, at baka ning Bashan; ing mayap diling trigung binutil at katas ubas ampon alak a maniaman.

Deuteronomio 8:8

Lugal yang dakal a binutil trigu ampon sebada, karing ubas at tanaman a higera, pomegranate, olibo, at pulut-panilan.

Kapahayagan 6:6

Atin kung dimdam a siwala a kalupa na ning siwalang ibat king libutad ding apat a mabie lelangan. Ngana, Katakal mung trigu ing asali na ning upa king patingapun a pamagobra, at atlung katakal a sebada ing asali na ning upa king patingapun a pamagobra. Oneng e mu sisiran ing larung olibo at ing alak!