Juan 6:71 - Ing Mayap a Balita Biblia

⁷¹ Ing amanuan na ya i Judas; ing anak nang Simon Iscariote. Metung ya i Judas karing labing adua; at ya ing magtaksil kang Jesus.

Juan 6:71 Iomraidhean Croise

Ding Dalit 41:9

Pati na ing matalik kung kakaluguran at pagkatiwalan; itang kasulu kung mamangan pigtaksilan na ku naman.

Mateo 10:2

Ila deti ring lagyu da ring labing aduang apostol: i Simon (a mayayaus Pedro) at i Andres a kapatad na; i Santiago at i Juan a kapatad na, ding anak nang Zebedeo;

Mateo 10:4

i Simon a aktibista, at i Judas Iscariote, ing migtaksil kang Jesus.

Marcos 14:10

Kaybat na nita, i Judas Iscariote, ing metung karing labing adua, minta ya karing pamuntuk da ring pari ba neng ipanganiaya i Jesus.

Juan 12:4

Oneng i Judas Iscariote, ing metung karing alagad nang Jesus, itang magtaksil keya, sinabi na,

Juan 13:2

Kasulu na lang Jesus ding alagad na king apunan. Alulan na na ning diablo king isip nang Judas Iscariote a anak nang Simon ing pamagtaksil kang Jesus.

Juan 13:26

Pekibat nang Jesus, Isoso ke ing tinape at ing dinan ku kaniti, ya ita. At inyang asoso na ne ing tinape, inabut ne kang Judas, ing anak nang Simon Iscariote.

Juan 2:2

Mekumbira ya naman i Jesus at ding alagad na.

Juan 20:24

Oneng i Tomas (ing mayayaus Kambal), ing metung karing labing adua, alayu inyang dinatang ya i Jesus.

Juan 6:64

Oneng ating mapilan kekayu a e maniwala. (Uling manibat king kapupurmeruan balu nang Jesus nung ninu ding e maniwala at nung ninu ing magtaksil keya.)

Juan 6:70

Pekibat nang Jesus, E ra kayu wari pinili ikayung labing adua? Makanyan man ing metung kekayu diablo ya!

Ding Dapat 2:23

Ing Dios, king sarili nang kaburian at kabiasnan, telaga na nang makapauna king miyabie ya i Jesus kekayu, at pete ye inyang peintulut yung ipaku de king krus ding e mayap a tau.

Judas 1:4

Uling ating mapilan a e mayap a tau, ding lihim milub king katipunan tamu a babaligtad da ing turu tungkul king grasya na ning kekatamung Dios ban matuliranan da ing e mayap dang dapat at tatanggian de i Jesu-Cristo, ing bukud mung Maestro at Ginu tamu. Misulat keta pang minunang panaun ing parusa a dugpa kareting e mayap a tau.