Juan 6:60 - Ing Mayap a Balita Biblia

⁶⁰ Ngara ding dakal karing alagad na inyang dimdam da iti, Masakit ing sasabian na. Ninu ing makatanggap kanyan?

Juan 6:60 Iomraidhean Croise

Juan 6:66

Manibat na kanita dakal na la karing alagad na ding ginulut at e na mekiabe kang Jesus.

Juan 8:43

Baket e yu aintindian ing sasabian ku? Uling e yu atanggap ing sasabian ku.

Juan 8:31

Inya sinabi nang Jesus karing Judiong meniwala keya, Nung tuparan yu ing tuturu ku, tune kayu ping alagad ku

Mateo 11:6

Mapalad ya ing taung e magduda kanaku!

2 Pedro 3:16

Makanyan mu rin ing parati nang paganaka karing sablang sulat na tungkul kaniting bage. Ating mapilan a dake karing sulat na a masakit paki-intindian, at dirinan dang e ustung kabaldugan ding alang balu at maina. At yan munaman ing gagawan da tungkul karing aliwang Kasulatan. Inya ipapahamak da ing karelang sarili.

Hebreo 5:11

Dakal ing malyari ming asabi tungkul king bage iti, oneng masakit ipalino kekayu uling e kayu bisang makiramdam.

Juan 2:2

Mekumbira ya naman i Jesus at ding alagad na.

Juan 5:25

Ing katutuan sasabian ku kekayu: daratang na ing panaun, at miras na, nung kapilan damdaman da ring mete ing siwala na ning Anak ning Dios. At detang makaramdam mie la.

Juan 6:52

Uli na niti, mapali lang mibadbaran ding Judio. Ngarang mipapangutang, Makananu nang aibie kekatamu ning taung iti ing laman na ba tamung apangan?

Juan 6:64

Oneng ating mapilan kekayu a e maniwala. (Uling manibat king kapupurmeruan balu nang Jesus nung ninu ding e maniwala at nung ninu ing magtaksil keya.)

Juan 7:3

Inya ngara kang Jesus ding kapatad nang lalaki, Mako ka keti at munta ka Judea ban akit da la ring kekang alagad ding dapat mu.