Juan 6:57 - Ing Mayap a Balita Biblia

⁵⁷ Tinubud na ku ning mabie Ibpa at king uli na mabibie ku; anti munaman ing mamangan kanaku mabibie ya king uli ku.

Juan 6:57 Iomraidhean Croise

Ding Dalit 18:46

Ing kakung Ginu mabie ya, mipuri ya ing kakung batung tuknangan! Ing Dios a talapagligtas ku ya ing purian!

Jeremias 10:10

Oneng ika, Ginu, ing tune Dios, ika ing mabie Dios at alang anggang ari. Gagalgal ya ing yatu potang mimua ka; e ra apibata ding bansa ing kekang mua. (

Mateo 16:16

Mekibat ya i Simon Pedro, Ika ing Cristo, ing Anak ning Dios a mabie.

Juan 14:19

Saguli na mu at e na na ku akit ning yatu, oneng akit yu ku; uling mabie ku, ikayu man mie kayu.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

Juan 17:21

Maging metung la ngan sa, Ibpa, antimo ika atyu ka kanaku at aku atyu ku keka, ban ila man maging metung la kekata; kanita maniwala ya ing yatu king ika tinubud mu ku.

Juan 3:17

Uling tinubud ne ning Dios ing Anak na king yatu e ban atulan ne at parusan ing yatu, nune ban miligtas ya ing yatu king kapamilatan na.

Juan 5:26

Atin yang upayang munie bie ing Ibpa at dininan neng upayang munie bie ing Anak.

Juan 6:29

Nganang mekibat Jesus, Iti ya ing parapat na ning Dios: maniwala kayu king tinubud na.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

1 Corinto 15:22

Uling king pangayabe da ring tau kang Adan mete la, king makanyan munamang paralan subli lang mie ding tau uli na ning pangayabe da kang Cristo.

1 Corinto 15:45

Uling ing kasulatan sasabian na, I Adan, ing minunang tau, milyari yang mabie lelangan, oneng ing tauling Adan, Espiritu yang babie bie.

2 Corinto 13:4

Agyamang maina ya inyang pinaku re king krus, mabibie yang pasibayu ngeni king uli na ning upaya na ning Dios. Kayabe na maina kami munaman, oneng mabibie ku ngeni uli na ning upaya na ning Dios ban sumuyu kekayu.

Galacia 2:20

at nung mabibie ku ngeni aliwa na aku ing mabibie nune i Cristo ya ing mabibie kanaku. At kabang atyu ku keting yatu mabibie ku king kapamilatan na ning kasalpantayanan ku king Anak ning Dios a linugud kanaku, at miyain king sarili na alang-alang kanaku.

1 Tesalonica 1:9

Ila na mismu ding mamalita nung makananu yu keng tinggap. Ila naman ding sinabi nung makananu yung likuan ing pamanyamba karing idolo ban sumuyu king tune at mabie Dios,

Hebreo 9:14

lalung maygit e palak kaniti ing arapat na ning daya nang Cristo a king kapamilatan na ning Espiritung alang angga inain na ing sarili na bilang ganap a sakripisyu king Dios. Ing daya na ya ing makalinis karing pusu tamu at kaisipan ban manibat king sablang dapat a alang kabaldugan asuyuan ta ya ing Dios a mabie.

1 Juan 4:9

Pepakit na ning Dios ing lugud na kekatamu inyang tinubud ne ing bugtung nang Anak ban mika bie tamu king kapamilatan na.