Juan 6:51 - Ing Mayap a Balita Biblia

⁵¹ Aku ing mabie tinape a tinipang ibat banua. Ing ninumang mangan kaniti mie ya kapilan man. At ing laman ku ya ing tinape a ibie ku ban mie ya ing yatu.

Juan 6:51 Iomraidhean Croise

Mateo 20:28

antimo ing Anak ning Tau e dinatang ban suyuan, nune ban sumuyu at iyain ing bie na ban mayatbus la ding dakal.

Lucas 22:19

At kinua ne ing tinape at kaybat nang mekapasalamat king Dios, pemirasu ne ing tinape at binie ne karela. Ngana, Iti ya ing katawan ku [a miyain para kekayu. Daptan yu iti king kapigaganakan kanaku.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

Juan 11:26

at ing ninumang mabibie at maniwala kanaku e mate kapilan man. Paniwalan mu ite?

Juan 3:13

Ala pang miyukiat king banua subali mu ing Anak ning Tau a tinipang ibat banua.

Juan 3:14

At nung makananu neng tinas Moises ing ubingan a tangsu king disyerto, makanyan ya namang sukat itas da ing Anak ning Tau

Juan 3:16

Uli na ning maragul nang lugud ning Dios king yatu binie ne ing bugtung nang Anak ban ing ninumang maniwala keya e ya mate nune mirinan yang bie alang angga.

Juan 3:36

Atin yang bie alang angga ing maniwala king Anak; oneng e ya mirinan bie ing e mamintu king Anak, nune manatili keya ing milalablab nang mua ning Dios.

Juan 5:24

Ing katutuan sasabian ku kekayu: ing makiramdam king amanu ku at maniwala king mitubud kanaku atin yang bie alang angga. E ya mayatul, nune ibat king kamatayan linipat ne king bie.

Juan 6:33

Uling ing tinape a babie na ning Dios ya itang titipang ibat banua at babie yang bie king yatu.

Juan 6:35

Nganang Jesus karela, Aku ing tinape ning bie. E ya dumanup kapilan man ing lumapit kanaku at e ya kumaung danum kapilan man ing maniwala kanaku.

Juan 6:41

Mibubulungan la ding Judio uling sinabi na, Aku ing tinape a tinipa ibat banua.

Juan 6:47

Ing katutuan sasabian ku kekayu: atin yang bie alang angga ing maniwala.

Juan 6:48

Aku ing tinape ning bie.

Juan 6:50

Oneng ing amanuan ku ya itang tinape a ibat banua; ing ninumang mangan kaniti e ya mate.

Juan 7:38

Agpang king sasabian na ning kasulatan, Ing maniwala kanaku, manibat king pusu na magus la ding batis ning mabie danum.

2 Corinto 5:19

Ing panaral mi ya iti: ing Dios atyu kang Cristo at tinuring neng kakaluguran na ing tau at kelinguan na na ing kasalanan na. At pigkatiwala na kekami ing ikalat mi ya ing balitang iti.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.

Efeso 5:25

Ikayung lalaki, luguran ye ing sarili yung asawa, antimo ing lugud nang Cristo king iglesia. Inain na ing bie na para king iglesia

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

Hebreo 10:20

Biklat ne para kekatamu ing metung a bayung dalan, ing metung a dalan a mabie a lalagpus king tabing, ngana wari, tinaglus king katawan na.

1 Pedro 2:4

Lumapit kayu king Ginu, ing batung mabie a tinggian dang alang kabaldugan ding tau, oneng pinili na ning Dios at mal ya king arapan na.

1 Juan 2:2

Uling i Jesu-Cristo mismu ya ing menatbus karing kasalanan tamu at aliwa mu karing kasalanan tamu, nune pati na karing kasalanan da ring sablang tau.

1 Juan 4:10

Iti ya ing lugud: e uling kaluguran ta ya ing Dios, nune itamu ding liguran na at tinubud ne ing Anak na ban atbusan na ing kasalanan tamu.

1 Juan 4:14

Ikit mi at patutuan king tinubud ne ning Ibpa ing Anak na bilang Talapagligtas na ning yatu.