Juan 6:5 - Ing Mayap a Balita Biblia

⁵ Inyang lawan nang Jesus ing makapadurut, ikit na lang lalapit keya ding dakal a tau. Ngana kang Felipe, Nukarin tamu saling tinape ban apakanan ta la deting tau? (

Juan 6:5 Iomraidhean Croise

Ding Bilang 11:13

Nukarin ku kumang karni ban ipakan kareting tau? E ra ku patugutan guguluan a buntuk. Ngara, Dinan mu keng karning apangan mi!

Mateo 15:33

Kitang da ring alagad na, Nukarin tamu kumang sapat a pamangan keti king disyerto para pakanan la ding anti kareting karakal a tau?

Marcos 6:32

Meko lang makasake king bangka, at minta la king metung a tahimik a lugal.

Lucas 9:10

Migbalik la ding apostol at belita ra kang Jesus ing sablang depat da. Tiki na la at ila mung kayabe nang minta king balen ning Betsaida.

Juan 1:43

Kabukasan, birian nang Jesus ing munta ya Galilea. Atagpuan ne karin i Felipe at nganang Jesus, Tuki ka kanaku! (

Juan 1:44

Tau ya Betsaida i Felipe, ing balen da ri Andres at Pedro.)

Juan 1:45

Penintun neng Felipe i Nathanael at ngana keya inyang ikit ne, Atagpuan mi ya itang mababanggit king libru na ning Kautusan a sinulat nang Moises at mababanggit munaman karing kasulatan da ring propeta: i Jesus ning Nazaret a anak nang Jose.

Juan 1:46

Nganang kinutang Nathanael, Atin waring mayap a lunto Nazaret? Mekibat ya i Felipe, Tara, lawan mu.

Juan 1:48

Kitang nang Nathanael, Makananu mu kung akilala? Nganang mekibat Jesus, Bayu na ka inaus Felipe, ikit da na ka inyang atyu ka lalam ning tanaman a higera.

Juan 4:35

Atin kayung kasebian, Apat nang bulan at datang na ing pamamupul. Oyni ing asabi ku kekayu: pagumasdan yu la ding marangle, matua na at makasadia nang palutan ing makatanam!